Read bura-pabir Neh 7 Bible Online

Neh 7 - bura-pabir bible

Neh 7

¹Sakatə mdə ku kuri həntə katangga ni, antə I pugəu nyarmbwayeri, ka pwi mjir sək nyarfu, ka mjir ha, ka mjir Lawi.

²Antə I vəi ɓzərma'na Hanani ka Hananiya na olər sojayeri ar wul kəra vəi na akwa katangga, ka da ndzi ata kəra Urushalima. Kamnyar Hananiya ku təramta mji hang ka jirkur ka thlivər Hyel akwa ɗəffari.

³Antə I pəla ala ɗa abbər mda aɗiya dli kəlar nyarfur Urushalima wa tar ma pci ku hara ola. Tsuwa ka da wuta abbər da ku hartə nyarfayeri ni ka tsau bwaltəu kwabə mjir səkə ni athlata akwa kəthlərər ɗa tahaku. Tsuwa I pəla ala ɗa abbər ka da carɓəla mji akwa nca mjir Urushalima na ata ndzi mjir səka. Ka mji laga ndzi akwa vəi səka tə mdə thlamta ala ɗa, ka bwadukwa ɗa sək bwa na awul kəyir ɗa.

⁴Bərni Urushalima an bau, tsuwa ol laga, amma mji na akwa ni yiɗauwa, tsuwa kəyayeri aɗi hang akwa wa.

⁵Apani antə Hyel vu akwa ɗəffi abbər kəi tsaptə kwakunayeri, ka mji ol'ol na ka səli ka mji na ol'ola ar kəthlər, ka mambila mji na akira ɗa, kamnyar ka mdə rəbutə thləma ɗa ata nyarmbwa ata nyarmbwa. Antə I wutə kakaɗər thləma mji na baɗitə ngka akwa Yahuda ntangkəma ni. Ngəni an su tə mdə rəbuta akwa.

⁶Ngəni an thləma mji na səɓəla akwa tsəɗi mafakur natə Nebukadnezzar na kuthlir Babila fatə ka mwanta akwa mafakur ni. Mji nayeri ni ku ngka ahar Urushalima ka Yahuda, waskəi ngka akwa diyirni.

⁷Mji na ol'ola ata kəra ɗa an Zerubbabel, ka Yeshuwa, ka Nehemiya, ka Azariya, ka Raamiya, ka Nahamani, ka Mordekai, ka Bilshan, ka Mispereth, ka Bigvai, ka Nehum, ka Baana. Nggədza thləma mjir Israila na thlata akwa tsəɗi mafakur ka ngka akwa tsəɗiyir ɗa ni, ka hangkurər ɗa.

⁸Akwa nyarmbwar Parosh, mji dəpu suɗa ka aru pal ka murfəkumari ka suɗa.

⁹Akwa nyarmbwar Shefatiya, mji aru makər ka murfəkumari ka suɗa.

¹⁰Akwa nyarmbwar Arah, mji aru ngkwa ka ntəfkumari ka suɗa.

¹¹Akwa nyarmbwar Pahath Mowab, natə da an kəkar Yeshuwa ka Yowab, mji dəpu suɗa aru ncisu ka kumnya ncisu.

¹²Akwa nyarmbwar Elam, mji dəpu pal aru suɗa ka ntəfkumari ka nfwar.

¹³Akwa nyarmbwar Zattu, mji aru ncisu ka nfwarkumari ka ntəfu.

¹⁴Akwa nyarmbwar Zakkai, mji aru murfa ka ngkwakumari.

¹⁵Akwa nyarmbwar Binnuwi, mji aru ngkwa ka nfwarkumari ka ncisu.

¹⁶Akwa nyarmbwar Bebai, mji aru ngkwa ka sərkumari ka ncisu.

¹⁷Akwa nyarmbwar Azgad, mji dəpu suɗa aru makər ka sərkumari ka suɗa.

¹⁸Akwa nyarmbwar Adonikam, mji aru ngkwa ka ngkwakumari ka murfa.

¹⁹Akwa nyarmbwar Bigvai, mji dəpu suɗa ka ngkwakumari ka murfa.

²⁰Akwa nyarmbwar Adin, mji aru ngkwa ka ntəfkumari ka ntəfu.

²¹Akwa nyarmbwar Ater natə thləm gyalərni an Hezekiya, mji əmdləkumari ka ncisu.

²²Akwa nyarmbwar Hashum, mji aru makər ka sərkumari ka ncisu.

²³Akwa nyarmbwar Bezai, mji aru makər ka sərkumari ka nfwar.

²⁴Akwa nyarmbwar Harif, mji aru pal ka kumnya suɗa.

²⁵Akwa nyarmbwar Gibeyon, mji əmdləkumari ka ntəfu.

²⁶Ngəni an mji tə kəkayeri arɗa ku ndzi akwa diyayeri ngəni, antə da ma da ku ngka. Mjir Bethlelehem ka Netofa, da aru pal ka nciskumari ka ncisu.

²⁷Mjir Anathloth, da aru pal ka sərkumari ka ncisu.

²⁸Mjir Beth Azmaveth, da nfwarkumari ka suɗa.

²⁹Mjir Kiriyath Yeyarim, ka Kefira, ka Beyeroth, da aru murfa ka nfwarkumari ka makər.

³⁰Mjir Rama ka Geba, da aru ngkwa ka sərkumari ka pal.

³¹Mjir Mikmash, da aru pal ka sərkumari ka suɗa.

³²Mjir Bethlel ka Ai, da aru pal ka sərkumari ka makər.

³³Mjir Nebo na dukwari, da ntəfkumari ka suɗa.

³⁴Mjir Elam na dukwari, da dəpu pal ka aru suɗa ka ntəfkumari ka nfwar.

³⁵Mjir Harim, da aru makər ka sərkumari.

³⁶Mjir Yariko, da aru makər ka nfwarkumari ka ntəfu.

³⁷Mjir Lod, ka Hadid, ka Ono, da aru murfa ka sərkumari ka pal.

³⁸Mjir Senaa, da dəpu makər aru əmdla ka makkumari.

³⁹Ngəni an hangkur ar mjir nyarmbwar pristayeri na thlata akwa mafakur ka ngka akwa tsəɗiyir ɗa. Akwa nyarmbwar Yedaiya na akwa kutakəyir Yeshuwa, mji aru əmdla ka murfəkumari ka makər.

⁴⁰Akwa nyarmbwar Immer, mji dəpu pal ka ntəfkumari ka suɗa.

⁴¹Akwa nyarmbwar Pashhur, mji dəpu pal, aru suɗa ka nfwarkumari ka murfa.

⁴²Akwa nyarmbwar Harim, mji dəpu pal ka kumnya murfa.

⁴³Ngəni an hangkur mjir Lawi na thlata akwa mafakur ka ngka akwa tsəɗiyir ɗa. Akwa nyarmbwar Yeshuwa na ɓzər Kadmiyel na akwa nyarmbwar Hodevah, mji murfəkumari ka nfwar.

⁴⁴Nggədza hangkur mjir hara ha akwa mbwar vəngkər səli. Akwa nyarmbwar Asaf, mji aru pal ka nfwarkumari ka ncisu.

⁴⁵Nggədza hangkur mjir sək nyarfayeri ar mbwar vəngkər səli. Akwa nyarmbwar Shallum, ka nyarmbwar Ater, ka nyarmbwar Talmon, ka nyarmbwar Akkub, ka nyarmbwar Hatita, ka tsuwa nyarmbwar Shobai, mji aru pal ka makkumari ka ncisu.

⁴⁶Ngəni an thləma mjir kəthlər akwa mbwar vəngkər səli, na thlata akwa tsəɗi mafakur. Da an mjir nyarmbwar Ziha, ka nyarmbwar Hasufa, ka nyarmbwar Tabbawoth,

⁴⁷ka nyarmbwar Keros, ka nyarmbwar Siya, ka nyarmbwar Padon,

⁴⁸ka nyarmbwar Lebana, ka nyarmbwar Hagaba, ka nyarmbwar Shalmai,

⁴⁹ka nyarmbwar Hanan, ka nyarmbwar Giddel, ka nyarmbwar Gahar,

⁵⁰ka nyarmbwar Reyaiya, ka nyarmbwar Rezin, ka nyarmbwar Nekoda,

⁵¹ka nyarmbwar Gazzam, ka nyarmbwar Uzza, ka nyarmbwar Paseya,

⁵²ka nyarmbwar Besai, ka nyarmbwar Meyunim, ka nyarmbwar Nefushesim,

⁵³ka nyarmbwar Bakbuk, ka nyarmbwar Hakufa, ka nyarmbwar Harhur,

⁵⁴ka nyarmbwar Bazlith, ka nyarmbwar Mehida, ka nyarmbwar Harsha,

⁵⁵ka nyarmbwar Barkos, ka nyarmbwar Sisera, ka nyarmbwar Tema,

⁵⁶ka nyarmbwar Neziya, ka tsuwa nyarmbwar Hatifa.

⁵⁷Ngəni an thləma mji na akwa nyarmbwar mjir kəthlər aka Solaman, na thlata akwa mafakur. Nyarmbwar Sotai, ka nyarmbwar Sofirath, ka nyarmbwar Perida,

⁵⁸ka nyarmbwar Yaala, ka nyarmbwar Darkon, ka nyarmbwar Giddel,

⁵⁹ka nyarmbwar Shefatiya, ka nyarmbwar Hattil, ka nyarmbwar Pokereth Hazzebayim, ka nyarmbwar Ammon.

⁶⁰Hangkur shanga mjir nyarmbwar mji na akwa kəthlər akwa mbwar vəngkər səli, ka mjir kəthlər aka Solaman, an aru makər ka əmdləkumari ka suɗa.

⁶¹Mji damwa aɗi na thlata ahar Tel Mela, ka Tel Harsha, ka Kerub, ka Addon, ka Immer. Amma arɗa da aɗi mzhi ncaɓəlari ata bəbal abbər mjir ɗa kəkayeri ar mjir Israila wa.

⁶²Da an mjir nyarmbwar Delaiya, ka nyarmbwar Tobiya, ka nyarmbwar Nekoda, shanga ɗa mji aru ngkwa ka nfwarkumari ka suɗa.

⁶³Tsuwa akwa nca nyarmbwar pristayeri na si an, nyarmbwar Hobaiya, ka nyarmbwar Hakkoz, ka nyarmbwar Barzillai. Barzillai ngəni an kəl mwala akwa nca maɗa' Barzillai na mdər Gileyad ni, tsuwa tsa ku kətə thləmər kutakəyir mjir mwalankiɗa ka kəthlər kəgari.

⁶⁴Mdə ku pakə thləma mji nayeri ni akwa kakaɗər thləma mji abbər nuhum mda awutə thləma kəkayeri arɗa, amma mda aɗi wutə wa. Apani mdə ku fwaɓəla ɗa akwa pristkur kamnyar tə da ku ndzi apa adiya.

⁶⁵Antə gwamna ni pəla ala ɗa abbər da aɗi ata səm susəma natə mdə ku hamta aka Hyel wa, tar ma prist aɗi na ata mzhi nggaɓəla su ata kər akəla Hyel atar kəthlər ka Thlummim ka Urim.

⁶⁶Apani hangkur shanga mji na ngka akwa tsəɗi Yahuda an dəpu nfwarkumari ka suɗa, ka aru makər ka ngkwakumari.

⁶⁷Tsuwa ata kəra ngəni buɗayeri ar shili ka mwanki aɗi, natə hangkurər ɗa an dəpu murfa ka aru makər ka makkumari ka murfa, ka tsuwa mjir hara ha shili ka mwanki mji aru suɗa ka nfwarkumari ka ntəfu,

⁶⁸ka takwayeri aru murfa ka makkumari ka ngkwa, ka kwaraləbandər aru suɗa ka nfwarkumari ka ntəfu,

⁶⁹ka dləkəmauwayeri aru nfwar ka makkumari ka ntəfu, ka kwara dəpu ngkwa ka aru murfa ka sərkumari.

⁷⁰Tsuwa bwadukwa mji ol'ola ar nyarmbwayeri ni ku hamta cautayeri kamnyar dlara akwa kəthlər ni. Gwamna ni hamta dinar kilogram ncisu, ka tasa na ola ntəfkumari, ka ləptər pristkur aru ntəfu ka makkumari.

⁷¹Antə mji ol'ola ar nyarmbwayeri ni ku hamta dinar kilogram aru pal ka ngkwakumari ka ncisu, ka adzərfa kilogram dəpu pal ka aru nfwar ka ntəfkumari ka ncisu.

⁷²Antə mambila mji ku hamta dinar kilogram aru ka ngkwakumari ka ncisu, ka adzərfa kilogram dəpu pal ka aru makər ka ntəfkumari, ka ləptər pristkur ngkwakumari ka murfa.

⁷³Apani antə pristayeri, ka mjir Lawi, ka mjir səka, ka mjir hara ha, ka mjir kəthlər akwa mbwar vəngkər səli, ka shanga mjir Israila ku ngka akwa diyayeri arɗa ka ndzəndzi. Apani akəmata thliya na murfəkur ahara shanga ɗa ku ndzəndzi akwa diyayeri arɗa.