Read bura-pabir Ayuba 26 Bible Online

Ayuba 26 - bura-pabir bible

Ayuba 26

¹Antə Ayuba pəla,

²“Ai ga ku dlar mji na kula duna! Ai ga ku mbantə tsiya mdə na kula duna!

³Ai ga ku hamta sauri aka mdə na kula ɗəɗukur, ka ncanta səndər nga na hang ni akwa aka mda!

⁴Gə wuta ama jili ndərayeri ngəni msəra msəra nə ri? Tsuwa mambələr wa an akwa gari atar ngə nə ri?

⁵Mambələr mji na ku mti akwa yakata, purəm kəga yimi ka suayeri na akwa.

⁶Duniyar mji mtəmta ata bəbal aka Hyel, tsuwa tsu apani antə mta akəmari ata bəbal.

⁷Hyel ku pəbəlar vəi na amtazi na abwar yala ata kəra shambar, ka hahəi duniya ni akwa shambar.

⁸Tsa ana tsaptə yimərhyel akwa zhimaru, tsuwa yimi ni aɗi ana ntamta zhimaru ni wa.

⁹Hyel ana hartə dəkəl kuthlikurərni ka dlamba, ka ɗuwar ni akwa zhaɓər dlamba.

¹⁰Tsa vəi kəl laga ata kəra yimi, ka ndəkəuwa daɓwa parakəu ka kuthlu.

¹¹Kəlara sakatə tsa ku mpa aka səla vəi na amtazi, səlayerari ni ana yakata ka kədza kamnyar thlivəra.

¹²Atar dunarni antə tsa vu tə ɗəffa manda pəpəi, atar səndərni antə tsa ku tsi shatan kutayimi tə mda ana kəga thləmari Rahab ni.

¹³Atar shambar mnyari antə tsa namtə kutahyel cau cau, ka tsiyari antə tsa tsi pwapur kutayimi na ana hwi ni.

¹⁴Nayeri ni an raka daci akwa nca kəthlərayeri arni, ntingnga daci akwa nca suayeri tə mburu nggata ata kəra ri! Amma wan ata mzhi nggaɓəla olkur dunar dlərərni ri?”