Read bura-pabir Ayuba 35 Bible Online

Ayuba 35 - bura-pabir bible

Ayuba 35

¹Antə Elihu pəla,

²“Ga ana wuta apa kalkal ya Ayuba, ka gə pəla abbər gə kula biku akəma Hyel ni?

³Kamnyar ga akwa yuwari abbər, ‘Man riɓa tə I ata wutari ri? Man tə I ata wutari akwa ndzi kula hara biku nə ri?’

⁴“I ata hamta ala ga amsa shanga giri kəga pazhir nga.

⁵Haptə nca ga ahar hyel kara wul su! Ka gə wul laku tə dlambayeri ni miu ata kəra ga.

⁶Ma gə hara biku, man tə bikər ngə ni ata ɓzamta alari ri? Wala ma bikər ngə ni an hara hang, man tə da ata hara alari ri?

⁷Ma gə hara su na kalkal, man ata dlar ni akwa ri? Man ɓɗakkur tə ga ata mzhi hara alari ri?

⁸Ɗimikurər nga ata damitə mji na tsu apa gə daci, ɓɗakkurər ngə ni ma sai tsu mda an ata səm riɓari.

⁹“Kəlara sakatə bwani ku hara hang aka mji, da ana tuwa ka kuraku, da ana kəga ka kuraku abbər ka mdə dlar ɗa kamnyar dunar mdə na ka kuthlikur ata kəra ɗa ni.

¹⁰Amma mda aɗi na ana pəla, ‘Ama Hyel na Həntə ra, na ana hamta dunar hara ha aviri ri?

¹¹Ama Hyel na na mburu sənda na təramta mwaɓiyayeri na akwa duniya ni, ka namtə mburu ɗəɗu ta ɗikayeri na ata kutahyel nə ri wa.’

¹²Tsuwa wala ma da an tuwa dlara akəla Hyel, tsa aɗi ata hamta ala ɗa amsa wa, kamnyar da an mji na ɗimi na hir kəra ɗa.

¹³Jiri, tsa tuwa na kula ampani, kamnyar Hyel aɗi ata psi thləmari kari wa, na ka Duna ta Shang aɗi ata nggar ɗa wa.

¹⁴Zhar ka gə na Ayuba, gə na akwa pəla abbər ga aɗi akwa nggaɓəla ni wa, tsuwa damitədzər ngə ni akəmari, tsuwa ga akwa səkə ka tsa hara su ata kər!

¹⁵Bamnda ngəni ma, ga akwa pəla, Hyel aɗi akwa ɗi mda akwa ɗəffə bwarbwarkurərni wa, ka tsuwa abbər tsa aɗi ana damitədzi ka biku wa.

¹⁶Mnya tə Ayuba akwa hara ni shang gapani, təng tsa akwa mnya gagaga kula kər.”