Read bura-pabir Zabura 101 Bible Online

Zabura 101 - bura-pabir bible

Zabura 101

¹Ha ar Dauda. I ata hara ha ata kəra hirkur ka jirkur, antə I ata hara ha ngəni ala gə, MTHLAKU.

²I ata vədzə hangkali kəi ndzi kula sur nggəla akwa kuthlikurərna, kəi wuta abbər I ku hara shanga su akwa jirkur ka ɗəffi duku. Nawa antə ga ata sə si adzə ra ri?

³I aɗi ata wul ɗimikur ka nci wa. I aɗi ana hir mjir dlərpəkur wa, antə sur paktə ra ka da aɗi wa.

⁴I aɗi ata dlu su na mbalmbalari wa, tsuwa su aɗi na ata paktə ra ka hara ɗimikur wa.

⁵I ata tsi kəlara mdə na ana ngkər ɗimikur ata kəra nvwa ni, I aɗi ata ndzəndzi ka mdər gaya ka mdər haptə kər wa.

⁶I ata paktə mji na ka jirkur akwa tsəɗi ni ka da kəthlər ka iya apa mjir ni sauri. Tar mji na kula sur nggəla adzə ɗa an ata mzhi hara kəthlər ali.

⁷Mdər pwaktə mda aɗi ata ndzi akwa kəi kuthlikurərna wa, mdər thlandər aɗi ata si akəmi wa.

⁸Tədək viri I ata ngkaɓəla kəmanggarayeri, na akwa tsəɗi ni kəi tsəgəi ɗa. Kamnyar ka mdə kədləɓəla shanga mjir hara ɗimikur kazhar bərni ar MTHLAKU.