Read bura-pabir Zabura 108 Bible Online

Zabura 108 - bura-pabir bible

Zabura 108

¹Ha ar Dauda. Ha. I ku mbərsa ka ga swaiswai, Hyelərna! I ata hara ha ka sur tsa na msəra kəi hu nga ka ɗəffi shang!

²Ɗəmhə girdzi guləm ka yakandi kamnyar ha! I ata pəi akwa ha ni har ka vir kura!

³I ata usar ngə, MTHLAKU, akwa nca shanga mji, kəi fwal nga akwa ha akwa nca mji zumzum.

⁴Kamnyar hirkurər nga na ana palidzi wa ni an nal ta vəi na amtazi, tsuwa jirkurər nga har ku mzhitə dlambayeri.

⁵Ka mdə haptə səliyir nga akwa vəi na amta ta shang, Hyel ragai, ka səliyir nga wutədzi akwa shanga duniya

⁶Hamta ali amsar adduwarna, kara mbantə ra ka dunar nga, kamnyar ka mji tə gə hira msərantədzi.

⁷Hyel ku pəla akwa mbwar vəngkər səli alari abbər, “I ata thləthlau tsəɗi Shekem ka kucali, ka ndəkəmta Mular Sukkoth aka mjirna.

⁸Tsəɗi Gileyad ni arna, japu ka Manasse, Ifrayim an dzakwar mpa arna, tsuwa Yahuda an zwal kuthlikurərna.

⁹Mowab an apa tasar kəca arna, I ku pumta ɓaɓiyirna ata Edom, kamnyar ncanta abbər tsa an arna, ka haptə kurakər nggyari su ata kəra Filistiya.”

¹⁰Wan ata mwantə ra akwa bərni na akwa katangga ri? Wan ata pwar ra ka lahar Edom ri?

¹¹Ga ku nggəlar yeru jirjiri ya? Ga aɗi ata pwar sojayeri ar yeru kəra wa ya?

¹²Dlar yeru ka yeru nggyari dawayeri ar yeru, kamnyar dlarər mda aɗi ana kuri wujir wa.

¹³Ka dlarər Hyel, mburu ata səma, tsa ata dlidlirəmta dawayeri ar mburu.