Read bura-pabir Zabura 111 Bible Online

Zabura 111 - bura-pabir bible

Zabura 111

¹Hu gir MTHLAKU! I ata usar MTHLAKU ka ɗəffi shang, akwa tsaptədzər mjirni.

²MTHLAKU ku hara kəthlərayeri ol'ola! Shanga mji na ana nggatə msərakurər ɗa ana dzama ata kəra ɗa.

³Kəlara kəthlərərni nghyinghyari ka səli ka olkur, tsa ana hara ɓɗakkur har ba saka madi.

⁴Tsa ku vu tə ka mdə ɗangtə surndatayeri tə tsa hara, MTHLAKU ana hara ɓɗakkur ka kətadzə mda.

⁵Tsa ana hamta susəma aka mjir thlivər ɗəffari, ba saka madi tsa aɗi ata fwari alkawalərni wa.

⁶Tsa ku hara kuthlikurərni aka mjirni, atar hamta ala ɗa tsəɗiyayeri ar mji damwa.

⁷Shanga su tə tsa ana hara an kalkal ka jirkur, mda ata mzhi mbərsa ka shanga tsawayeri arni.

⁸Da an jiri ka kalkal antə da ata fəi har ba saka madi.

⁹Tsa ku msərantə mjirni, ka mbwi alkawal na ba saka madi ka da. Tsa an ɓɗakkarkara ka sur thlivəra!

¹⁰Thlivər ɗəffa MTHLAKU an baɗitər ɗəɗukur, tsa ana hamta dzama na ɓɗakari aka shanga mji na ana thlivər ɗəffari. Mji ata fwal ni tədəku har ba saka madi.