Read bura-pabir Zabura 112 Bible Online

Zabura 112 - bura-pabir bible

Zabura 112

¹Hu gir MTHLAKU! Msəra aka mdə na ana thlivər ɗəffa MTHLAKU, mdə na ana nggatə msərakur ɓəla tsawayeri arni!

²Mji na akwa nyarmbwarni ata ndzi ka kuthlikur akwa tsəɗi ni, Hyel ata vədzə barka aka shanga mji na akwa nyarmbwarni,

³Kutakəyirni ata ndzi ka gəna ka su hang, tsa ata ndzi ka jirkur aka Hyel har ba saka madi.

⁴Wala akwa kuthlu parakəu ana wutədzi aka mjir Hyel, aka mji na ka kətadza, ka jirkur, ka na ana hara ɓɗakkur.

⁵Su ana mwa kalkal aka, mji na ana hamta təpa ka tsiya ɗa bwang, ka na ana hara sur ɗa ka jirkur.

⁶Kamnyar jili mji apani su aɗi na ata kənggərantə ɗa wa, mda ata ɗangtə mji na pwa ba saka madi.

⁷Da aɗi ana thlivər nggatə labar na ɗimi wa, da ku mbərsa ka MTHLAKU ka duna.

⁸Da ana hara su ka kəra ɗa pasəyang, kula thlivəra, tar ma da ku wuta abbər da ku nggyari dawayeri arɗa.

⁹Da ana hamta su aka mjir tura ka tsiya ɗa bwang, ba saka madi mda ata ɗangtə ɓɗakkur tə da hara aka mji. Da ata ndzi ka kuthlikur ka səliyir olkur.

¹⁰Ma kəmanggarayeri ku wuta, ɗəffa ɗa ata ɓza, da ata ɓɗə thlira ɗa har ka ncir kəra ɗa sha, su aɗi tə da ata mwaɓtari ka da wutə wa.