Read bura-pabir Zabura 12 Bible Online

Zabura 12 - bura-pabir bible

Zabura 12

¹Ha ar Dauda aka mdər pwar ha, ka mdə hangkir surtsa na ka suwari ncisu. Dlar yeru MTHLAKU, kamnyar mjir nga aɗi kəra wa, mji na ana hamta jiri ala gə ku kuri akwa duniya.

²Shanga ɗa akwa thlandər aka nvwa ɗa, da akwa pwaktə nvwa ɗa ka ndərayeri na msəra msəra.

³Ka MTHLAKU thlamta shanga mnya mji na ana pwaktə mda! Hartə mnya mji na ana gaya dzau.

⁴Da ana pəla aka nvwa ɗa, “Atar mnya yeru na msəra ni, antə yeru ana wutə su tə yeru ana bara. Tsuwa mnya yeru ni ar kəra yeru, antə mdər ngkatə yeru aɗi wa.”

⁵“Amma kulini I ata si”, ndə MTHLAKU, “Kamnyar mda akwa nar bwani aka mji turtura, antə mji na akwa ɗar bwani ni akwa tuwa ka nggyinggya, I ata ɓəlatə ɗa apatə da akwa barari.”

⁶Su aɗi tə MTHLAKU ana kətə alkawalari ka təri ata di wa, da ana ndzi jiri apa adzərfa na gwang, natə mdə juwaɓəla akwa kəthla ka murfa.

⁷Antə MTHLAKU, kara ɓəlatə yeru, kara tsəlpi yeru ba saka madi ta zaman ngəni ɗimi ni.

⁸Kamnyar kəlara bwa kəmanggarayeri akwa kadla, təng tə mji akwa namtə ɗimikur apa su na pwa akwa nca mji ni.