Read bura-pabir Zabura 121 Bible Online

Zabura 121 - bura-pabir bible

Zabura 121

¹Ha kamnyar Ndləɓəla ka lahar Urushalima. I ku haptə nci atar garayeri! Abwa madi antə dlar arna ata səɓəla ri?

²Dlar arna ata səɓəla akəla MTHLAKU, na hara vəi na amtazi ka duniya.

³Tsa aɗi ata zhari ka gə ndla wa, tsa na ana ɓəla kəra ga aɗi ata heni wa.

⁴Nggədza, tsa na ana tsəlpi Israila, aɗi ana nggətə heni, wala heni wa.

⁵MTHLAKU andər ɓəla nga, MTHLAKU athlimbəla ga apa shanggur ka tsa tsəlpi nga.

⁶Pci aɗi ata dəkəi nga təpci wa, wala thliya aviri wa.

⁷MTHLAKU ata ɓəlatə nga ta shanga ɗimikur, ka ɓəlatə mpika ga.

⁸MTHLAKU ata ɓəlatə ləɓəlar nga ka səvəyir nga, kulini ka ba saka madi.