Read bura-pabir Zabura 124 Bible Online

Zabura 124 - bura-pabir bible

Zabura 124

¹Ha ar Dauda ar ndləɓəla akwa Urushalima. Ma abbər MTHLAKU an aɗi adzə mburu wa, Mjir Israila, pəla gir!

²“Ma abbər MTHLAKU an aɗi adzə mburu wa, sakatə dawayeri ku pwa ata kəra mburu,

³sakani da ku ndasəmnya mburu ka mpika, sakatə ɗəffa ɗa ɓza adzə mburu ka duna ni.

⁴Sakani pərtu ni ku fatə mburu, sakani yimi ni ku shamta mburu,

⁵sakani mpar yimi ni ku hartə mburu kamnyar ɗəffari ni.”

⁶Mbura usar MTHLAKU diya, tə tsa aɗi hir hamta mburu apa kum ala ɗa, ka da hukthləmta mburu ka thlira ɗa wa ni.

⁷Mburu msər apa ɗika na msəra ata shiwur mdər ngka ɗika, shiwu ni ku tadərəmtadzi, antə mburu ku msəri.

⁸Dlarər mburu ana thlata akəla MTHLAKU, na hara vəi na amtazi ka duniya.