Read bura-pabir Zabura 127 Bible Online

Zabura 127 - bura-pabir bible

Zabura 127

¹Ha ar Solaman. Ha ar ndləɓəla akwa Urushalima. Ma aɗi MTHLAKU an akwa hən mbwa ni wa, mjir hən mbwa ni akwa ghər gapani. Ma aɗi MTHLAKU an akwa sək kəra bərni wa, mjir səkə ni akwa ghər ndzi ata wula gapani.

²Ampaniyir thlatə ɗəɗəpə mbing ka ləkwa kəthlər, ka sə ngka avəi tahaku aghəla mji kamnyar ghərəmtaghəra, abbər mthlakari akwa ɗar bwani kamnyar susəm ni aɗi wa. Kamnyar Hyel ana hamta ghərəmtaghəra aka mjirni tə tsa hirhira.

³Jiri, maɗangkyar an cauta na thlata akəla MTHLAKU, maɗangkyar an watsəɓa na thlata akəlari

⁴Maɗangkyar tə mda ana wuta akwa kustakur ni ndzi apa afayeri na akwa tsiya soja

⁵Msəra aka mdə na ka kwajarni nghyinghyari ka da. Tsa aɗi ata ləkwa səli wala sakatə da kəɓa ka dawayeri arni akwa shariya akwa nyarfu di wa.