Read bura-pabir Zabura 13 Bible Online

Zabura 13 - bura-pabir bible

Zabura 13

¹Ha ar Dauda aka mdər pwar ha. MTHLAKU, nawa antə ga ata sə ɗangtə ra ri? Ga ata ləkəma ka fwari ata kəri ba saka madi ya? Ga ata ɗuwardzi ali ba saka madi ya?

²Har saka madi tə I ata ləkəma ka nggitə bwani nə ri? Nawa antə I ata sə ndəka ka ɗəffə ɓzəɓzə ngəni takulak pci nə ri? Nawa antə dawarna aɗi ata sə nggyari ra wa ri?

³Wul ra MTHLAKU na Hyelərna, kara shinau ali. Wuyamta nci, ga aɗiya hir zhar ra kəi henər mtə wa.

⁴Ga aɗiya zhar ka dawayeri arna pəla, “Yeru ku nggyari ni” wa. Ga aɗiya zhar ɗa ka da kumshi ra kamnyar ndla na wutə ra wa.

⁵I ku mbərsa ka hirkurər nga na ana palidzi wa ni, I ata hara kucali kamnyar ga ata mbantə ra.

⁶I ata hara ala gə ha MTHLAKU, kamnyar ga ku hara ali su na ɓɗaku.