Read bura-pabir Zabura 137 Bible Online

Zabura 137 - bura-pabir bible

Zabura 137

¹Ata mnya thlyaghayeri ar Babila, antə yeru ndzəndzi ka tuwa, sakatə yeru ɗangtə asar na wutə Sihiyona.

²Ata tsiya nfwayeri na anda, antə yeru ku hahəi guləmayeri ar yeru.

³Kamnyar mji na ngkəi yeru ku bara ka yeru hara ala ɗa ha. Mji na akwa na yeru bwani ku bara ka yeru hara ala ɗa har kucali, da pəla, “Hara gir ala yeru ha pal akwa hayeri ar Sihiyona!”

⁴Apa madi tə yeru ata mzhi hara ha aka MTHLAKU, akwa tsəɗi tə yeru mətəpi akwa ri?

⁵Ma I fwari nga, Urushalima, ka tsi mazəmi fwari tsa guləm!

⁶Ka kyanggyari dləɓtədzi ka fənari, ma I aɗi ɗangtə ngə wa, ma I aɗi vəi Urushalima abbər tsa an sur kucalərna na olta shang wa!

⁷MTHLAKU, ɗangtə su tə mjir Edom hara, vir tə sojayeri ar Babila ngkəi Urushalima, apatə da pəla, “Hadləmta gir ni, hadləmta gir ni, har ka tsa ndzi bəbal patərathlu!”

⁸Mjir Babila, giri na ana higəlantə su ni! Mda ata kurəmta giri! Ɗəffa mji na ata ntə su tə giri hara ala yeru ni, ata ndzi msəra ala ɗa!

⁹Ɗəffa ɗa ata ndzi msəra ala ɗa, da na ata fatə maɗangkyarər giri, ka pupukthləmta kəra ɗa ata pirakthlyayeri ni!