Read bura-pabir Zabura 138 Bible Online

Zabura 138 - bura-pabir bible

Zabura 138

¹Ha ar Dauda. I akwa usar ngə, MTHLAKU, ka ɗəffi shang, I ata fwal nga akwa ha akəma hyelayeri.

²I ana nggyarghəidzi ka kəmi awul mbwar nga na ɓɗakkarkara, kəi fwal nga kamnyar hirkurər nga na ana palidzi wa ka jirkurər ngə ni, kamnyar ga ku haptə thləma ga ka ndərər nga ka təramta shanga su.

³Vir tə I hara adduwar bara dlara, antə gə ni amsari, ka dunautə ra ka dunar nga.

⁴Shanga kuthlyayeri na akwa duniya ata usar ngə, MTHLAKU, kamnyar da ku nggatə alkawalər nga.

⁵Da ata sə hara ha ata kəra suayeri tə gə hara, MTHLAKU, kamnyar olkur ar səliyir nga.

⁶Wala tə ga an amta nda ciju, MTHLAKU, ga ana wul kəra mji na ka tərghəi kər, ka səndə mjir gaya təng tə da ciju.

⁷Wala sakatə bwani zumzum ku kalaktə ra, ga ana ɓəlatə mpikəi. Ga ana thləthlatə ka dawayeri arna na ka ɗəffa ɗa bwarbwar, ka mbantə ra ka dunar nga.

⁸Ga ata haratə shanga su tə gə ɗəmhə kamnyar na, MTHLAKU, kamnyar hirkurər nga aɗi ana palidzi wa. Ga aɗiya zhar ra wa, kamnyar gan nam ra.