Read bura-pabir Zabura 14 Bible Online

Zabura 14 - bura-pabir bible

Zabura 14

¹Ha ar Dauda aka mdər pwar ha. Caku ana pəla akwa ɗəffari abbər, “Hyel aɗi wa.” Da dlərpu, surharar ɗa aɗi ɓɗaku wa, mda aɗi na ana hara su kalkal wa.

²MTHLAKU na amtazi ana haghəi ncari akwa duniya ka wul mji, abbər nuhum tsa awutə mdə na ana hara su ka ɗəɗukur, mdə na ana bara Hyel.

³Amma shanga ɗa ku pəra, shanga ɗa ku ndzi dlərpu. Mda aɗi wala duku na akwa hara su ɓɗaku wa, mda aɗi wala duku wa.

⁴MTHLAKU akwa pəla, “Mjir hara ɗimikur ni aɗi ana thliptə su wa ya? Da ana səm mdəkur mjirna apa da akwa kwasə buradi, tsuwa da aɗi ana hara adduwa ali wa.”

⁵Amma tsu mda ata sə thlivərantə ɗa ka duna, kamnyar Hyel ana ndzi ata vəi duku ka mji na pwa.

⁶Mji na ɗimi ata mzhi huzamta gari tə mjir bwani ɗəmha, amma MTHLAKU ana tsəlpi mjirni.

⁷I akwa kiɗa abbər ka Hyel na akwa Gar Sihiyona ni si ka tsa mbantə mjir Israila. Kutakəyir Yakub ata sə hara kucali antə ɗəffa mjir Israila ata ndzi msəra ala ɗa, ma sakatə MTHLAKU ku ngka ka da akwa tsəɗiyir ɗa!