Read bura-pabir Zabura 141 Bible Online

Zabura 141 - bura-pabir bible

Zabura 141

¹Ha ar Dauda. I akwa hara adduwa ala gə, MTHLAKU! Psi thləma ga ali usa, kəlara sakatə I ku bara dlara akəla ga, ka gə dlar ra taktar.

²Dlu adduwarna apa tulari ɗuza, kara namtə tsi tə I haptə ni apa saɗakar tahaku.

³Dlar ra, MTHLAKU, kəi mzhi ngkahə mnyi, ga aɗiya zhar ra kəi mnya kəlara kəlara wa.

⁴Ga aɗiya zhar ka hangkali nutə su na ɗimi wa, har kəi shamta sakarna akwa hara ɗimikur kəga mjir biku wa. Ga aɗiya zhar ra kəi səm susəmər kucali ar addinər ɗa wa.

⁵Ka mdə na pwa ɗi ra, kamnyar ngəni an ɓɗakkur, ka tsa mpa ali, kamnyar ngəni ata ndzi ali apa mal kəkəra, ga aɗiya hara kəi nggəlari wa.

⁶Sakatə mdə ku bukghəi mjir kuthlikur arɗa na ata mnya gar, antə da ata nggaɓəla abbər ndər tə I pəla ni an jiri.

⁷Apatə mda ana latə di ka pupukthləmta həyari, antə mda ata titiləmta ɗethlər mburu ata mnya kula.

⁸Amma arna I ku putə nci ata ga, MTHLAKU na Olta shang, adzə nga antə I ana ɗuwardzi, ga aɗiya zhar ra ata bəbal ka da tsi ra wa!

⁹Ɓəlatə ra ta dərku tə da nggəi ali ni, ta shiwayeri ar mji na ɗimi.

¹⁰Ka shiwayeri ar mji na ɗimi ni jaktə ngkəgəi ɗa sur ɗa, kəi msərəmta kula su tsəkwar ra.