Read bura-pabir Zabura 16 Bible Online

Zabura 16 - bura-pabir bible

Zabura 16

¹Ha ar Dauda na zum ta hwada. Tsəlpi ra, Hyel, kamnyar I ku mbərsa abbər ga ata mbantə ra.

²I ana pəla aka MTHLAKU, “Ga an Mthlakər na. Shanga su na ɓɗaku tə I kəgari, thlata akəla ga.”

³Jiri, mjir Hyel an mji na ol'ola akwa tsəɗi ni, I ana nggatə msərakur ndzi ka da.

⁴Mji na pəla da ata nu haptu, ata ndəkərəngkər bwani aka kərɗa. I aɗi ata pumta mamshir mwaɓi aka haptər ɗa wa, wala vəngkər səli aka haptayeri ni wa.

⁵MTHLAKU, ga andər hamta ali shanga su tə I akwa turari, I zhar mpikəi shang akwa tsiya ga

⁶Shanga suayeri tə gə ɗəmha ali ku kəs kəri ka duna. Jiri, I ka kucali ata kəra ɗa ka duna.

⁷I ana hu MTHLAKU kamnyar tsa ana pwar ra, tsuwa ma viri ku hara I ana dzama ata kəra su na kalkal ka mdə hara.

⁸I asənda abbər parang MTHLAKU adzə ra, tsa abwa mazəmi, antə su aɗi na ata wutə ra wa.

⁹Kamnyar ngəni ɗəffi msəra ali, an su na hara tə I akwa hara kucali ni, kamnyar dzi ata ndzi lapiya kula sur damita.

¹⁰Kamnyar ga aɗi ata zhar ra akwa kul wa, wala zhar ka Mdər ngə na Ɓɗakkarkara hiɗa wa.

¹¹Ga ana ncanta ali lakur mpika, adzə nga antə I ana nghyi ka kucali, abwa mazəma ga antə msərakur aɗi ba saka madi.