Read bura-pabir Zabura 17 Bible Online

Zabura 17 - bura-pabir bible

Zabura 17

¹Adduwar Dauda. Dlar ra kara nggatə tuwarna MTHLAKU, kara dlu adduwa tə I akwa harari ka ɗəffi duku ni.

²Ncanta aka mji akwa shariya ni abbər I kula biku, kamnyar ar nga ga asəndə mji na ka jirkur.

³Ga asəndə su na akwa ɗəffi. Ga ku si adzə ra aviri ka wulɓəla ra karkar. Ga aɗi wutə ra ka mwaɓər ɗimikur akwa ɗəffi wa, tsuwa I ku kətə alkawal abbər I aɗi ata ngkər ndər na ɗimi wa.

⁴I aɗi ka su tə I ata pəlari ata kəra surharar mji wa. I aɗi nu mji na ana hara su ka mpa wa, kamnyar I ku kəsi tsawur nga akwa ɗəffi.

⁵Tədəku I akwa nu lakur nga, I aɗi ɗar pəra kazhar lakur ngə wa.

⁶I ana kiɗə su akəla ga, Hyel, kamnyar ga ana dlar ra, antə psi thləma ga ali usa, kara nggatə su tə I ata pəlari.

⁷Ncantə hirkurər nga na ana palidzi wa ni ni akwa laku na ata ndatə mda. Ga ana mbantə mji na ana hwi ta dawar ɗa ka ra ɗuwardzi adzə nga.

⁸Wulwul ra ɓɗaku apatə mda ana wulwul ɗevərncari, ɗuwar ra akwa shanggurər ɓəɓəka ga.

⁹Ɓəlatə ra ta mji na ɗimi asə pwa ata kəri ka mpa, ta dawayeri na mwavər na kalaktə ra akwa bara tsi ra.

¹⁰Da aɗi ana kətadzə mdə wa, tsuwa da ana gari ka gaya.

¹¹Da ana nu dəlpəi, antə kulini da ku kalaktə ra, da putə nca ɗa ata iya abbər ka da ngkamta ra ata di.

¹²Da ndzi apa tsəngiyayeri na ka ghangər mi, antə da ɗuwamtadzi akwa səkə ra ka da thləthləhumta ra.

¹³Mwa kara dlər ɗa, MTHLAKU, kara nggyari ɗa! Kətə katsakarər nga kara msərantə ra akəla mji na ɗimi ni kəgari.

¹⁴Msərantə ra MTHLAKU, akwa tsiya mji na ka gənar duniya. Ɗi ɗa ka bwaniyayeri natə ga ku ɗəmha ala ɗa, ka bwaniyayeri ni mzhi maɗa' ɗa har ka ləkwa kucira ɗa, har ka kəkayeri arɗa wutə nəɓwar ɗa akwa!

¹⁵Amma arna I ata wutə kəma ga, kamnyar I aɗi ka biku wa. Antə ma sakatə I ku thlata akwa heni, ɗəffi ata pəpəi, mwaɓərna an ma I ku thlata, kəi wutə laku tə ga akwa ka nci.