Read bura-pabir Zabura 20 Bible Online

Zabura 20 - bura-pabir bible

Zabura 20

¹Ha ar Dauda aka mdər pwar ha. Ka MTHLAKU nggatə nga akwa sakatə ga akwa bwani! Ka Hyelər Yakub ɓəlatə nga!

²Ka MTHLAKU na akwa mbwar vəngkər səli alari dlar nga, ka tsa dunautə nga ka duna na thlata akwa Gar Sihiyona.

³Ka tsa ɗangtə shanga sur hamtar nga, ka dlu saɗakayeri ar nga ka kucali.

⁴Ka Hyel hamta ala gə su tə gə mwaɓta akwa ɗəffa ga, ka tsa dlar nga ka gə mzhi haratə su tə gə ɗəmha akwa ɗəffa ga.

⁵Antə yeru ata kucali ka kuraku ma sakatə ga ku səma, ka hapta alamayeri ar yeru kamnyar nar səli aka Hyelər yeru, Ka MTHLAKU hamta ala gə shanga su tə gə kiɗa akəla ri!

⁶Kulini I ku sənda abbər MTHLAKU ana mbantə kuthli tə tsa an vəi, MTHLAKU ana nggatə ni akwa vəi ndzəndziyirni amtazi, ka nar alari nggyari su atar duna na ola tə tsa kəgari.

⁷Mji laga ana mbərsa ka wagənayeri ar takur ɗa, mji laga tsuwa ana mbərsa ka takwayeri arɗa. Amma ar yeru, yeru ana mbərsa ka dunar MTHLAKU na Hyelər yeru.

⁸Jili mji ndaga ana ndla ka thləvamtadzi, amma ar yeru, yeru ana thlatə ka thləthlatə gyang!

⁹Hamta nggyari su aka kuthli, MTHLAKU, ka gə dlar yeru kəlara sakatə yeru ku bara dlara akəla ga.