Read bura-pabir Zabura 21 Bible Online

Zabura 21 - bura-pabir bible

Zabura 21

¹Ha ar Dauda aka mdər pwar ha. kamnyar dunar ngə, MTHLAKU, antə kuthli akwa kucali ni tsa akwa kucali kamnyar ga ku vu tə tsa səma.

²Ga ku hamta alari su tə tsa mwaɓta akwa ɗəffari, su aɗi tə tsa kiɗa antə gə ngkata alari wa.

³Kamnyar ga ana hamta alari barkayeri na ol'ola, ka bartə kərari ka dzakwar kuthlikur tə mdə nam ka dinar.

⁴Tsa ku bara ka tsa səm fa, antə ga ku nari, har ma ga ku hamta alari fa na saɓəl na ata fi.

⁵Ga ku dlar ni antə tsa ku ndzi ka səli na ola, ga ku vu tə tsa ku hara thləm ka na alari olkur.

⁶Ga akwa ləkəma ka na alari barkayeri na akurkur wa, antə parang tsa ka kucali kamnyar ga ata vəi duku ka tsa.

⁷Kuthli ni ana mbərsa ka ga, MTHLAKU na ka Duna ta Shang, tsuwa kamnyar tə ga ku hir ni ka duna su aɗi na ata tsəkwar dəkəl kuthlikurərni wa.

⁸Ka tsiya ga, antə ga ata ngkəgəi shanga dawayeri ar nga, ka tsi mazəma ga antə ga ata ngkəgəi mji na nggəlar nga.

⁹Kəlara sakatə ga ku si ga ata mbamta ɗa akwa u'u na vəlvəl apa u'ur thləl tughum. Kamnyar ɗəffa ga na ku ɓzi ka duna, ga ata vu ka u'u mbamta ɗa tuktukku.

¹⁰Ga ata kurəmta maɗa' ɗa akwa nca mji, ka shamta hwulfər ɗa ata kəra duniya.

¹¹Antə wala ma dawayeri ku ndzi wuyim ka ɗəmhə ɗimikur ata kəra kuthli ni, da aɗi ata nggyari ni wa.

¹²Ma tsa ku kadləwa afa akwa laliyir ni ka dinggatə ɗa da ata ngka ka bwahili ka hwi.

¹³ka mdə haptə səliyir ngə MTHLAKU, kamnyar duna tə gə kəgari! Yeru ata hara ha ka hu nga!