Read bura-pabir Zabura 24 Bible Online

Zabura 24 - bura-pabir bible

Zabura 24

¹Ha ar Dauda. Duniya ka shanga su na akwa an ar MTHLAKU. Duniya ka shanga mji na akwa an arni.

²Kamnyar MTHLAKU ku vəi səla duniya ata kəra mandayeri, ka nci ni gyang ata kəra thlyaghayeri.

³Wan ata mzhi ndlətə gar ar MTHLAKU ri? Wan ata mzhi ləkwa mbwar vəngkər səli alari ka thləthlatə ri?

⁴Tar mji na ka tsiya ɗa kəcəkəcari ka ɗəffa ɗa mwapu, mji na aɗi ana vəngkər səli aka haptu wa, wala kahyel ar pwaktə mdə wa.

⁵MTHLAKU ata vədza ala ɗa barka, Hyel na mdər mbantər ɗa ata ncanta abbər da ka jiri.

⁶Ngəni an jili mji na ana bara Hyel, mji na ana vəngkər səli aka Hyelər Yakub.

⁷Mburəmta giri nyarfayeri ni bau! Kəlar giri nyarmbwayeri na waciwaci ni, kamnyar ka kuthli na ol ni ləmbwa.

⁸Wan kuthli na ol nə ri? Tsa an MTHLAKU na ka Duna ta Shang, MTHLAKU na ka Duna ta Shang akwa mpa!

⁹Kələmta gir nyarfayeri ni bau! Kəlar giri nyarmbwayeri na waciwaci ni, kamnyar ka kuthli na ol ni ləmbwa.

¹⁰Wan kuthli ngəni ol nə ri? Tsa an MTHLAKU na ka Duna ta Shang, tsa an kuthli na ol ni!