Read bura-pabir Zabura 28 Bible Online

Zabura 28 - bura-pabir bible

Zabura 28

¹Ha ar Dauda. I akwa hara adduwa ala ga, MTHLAKU, gə na ana mbuli ra. Dlar ra usa kara dlu adduwarna kamnyar ma apani wa, I ata mtə kulikulini.

²Psi thləm ali usa, kara dlu kiɗər na, apatə I ku haptə tsi təbwar mbwar vəngkər səli ala gə ni.

³Ga aɗiya kədləmta ra ata kəma duku kəga kəmanggarayeri ni wa, mji natə kəthlərər ɗa an ɗimikur, mji na ana gari msərakur aka nvwa ɗa amma su na akwa ɗəffa ɗa an ɗimikur.

⁴Ɗi ɗa kamnyar su tə da hara, kamnyar ɗimikur tə da harata Ɗi ɗa kamnyar shanga ɗimikur tə da hara, ka gə na ɗa watsəɓər ɗa kalkal ka ɗimikurər ɗa.

⁵Da aɗi ana vədzə hangkal aka suayeri tə MTHLAKU hara wa, wala suayeri tə tsa namtə wa. Apani tsa ata shamta ɗa karkar tə da aɗi ata jaktə thlatə kəra wa.

⁶Hu gir MTHLAKU, kamnyar tsa ku hamta ali su tə I kiɗa akəlari.

⁷MTHLAKU an duni ka partauwurna, I ana mbərsa ka tsa. Tsa ana dlar ra ka nghyantə ra ka kucali, antə I ata fwal ni ka ha, ka usar ni.

⁸MTHLAKU andər na duna aka mjirni, tsa andər mbuli kuthli tə tsa an vəi ka mbantə ni.

⁹Mbantə mjir nga, kara vədza ala ɗa barka, ka gə ndzi mdər ɓəla ɗa ka wul ɗa har ba saka madi.