Read bura-pabir Zabura 3 Bible Online

Zabura 3 - bura-pabir bible

Zabura 3

¹Ha ar Dauda sakatə tsa akwa hwi ɓzərni Absalom. MTHLAKU, I ka dawayeri hang, da hang na aɗi akwa hir ra wa!

²Mji hang akwa mnya ata kəri abbər, “Hyel aɗi ata mbantə ni wa!”

³Amma MTHLAKU, ga an partauwurna, ga andər na ali nggyari su, ga andər dunautə ra ka haptə ra.

⁴I ku kiɗə dlara akəla MTHLAKU, antə akwa gar arni na ɓɗakkarkara tsa ku nggata ka dlar ra.

⁵I ana pəpəi ka heni, ka jaktə thlatə ɓəɓal kamnyar tsa ana wul kəri.

⁶Dawayeri dəpu dəpu ana pəli ata kəri ka kalaktə ra akwa kəlara bwa, amma I aɗi ana thlivər ɗa wa.

⁷Asər MTHLAKU, ka ra mbantə ra, Hyelərna! Ga ku tsa dawayeri arna ata pukəma ɗa, ka ɓəgələmta thlira mji na kəmanggar.

⁸MTHLAKU andər vu ka mjirni səma. Ka barkar nga ndzi ata kəra mjir nga!