Read bura-pabir Zabura 30 Bible Online

Zabura 30 - bura-pabir bible

Zabura 30

¹Ha ar Dauda natə tsa hara akwa sakar hamta mbwar vəngkər səli aka Hyel. I ata fwal ngə, MTHLAKU, kamnyar ga ku msərantə mpikəi. Ga aɗi zhari ka dawayeri arna hara kucali ata kəri wa.

²MTHLAKU na Hyelərna, I ku kiɗa abbər ka gə dlar ra, antə ga ku mbantə ra.

³Ga ku mbantə ra ata mnya kula. I ku tərkwa lakur ləkwa duniyar mji mtəmta, antə gə ngka ka mpikəi akwa duniya.

⁴Shanga giri na mjirni, ka giri fwal MTHLAKU ka ha, ka giri usar ni kamnyar thləmari an ɓɗakkarkara.

⁵Kamnyar ɗəffari aɗi ana ɓzi ka fəi wa, amma tsa ana hara ɓɗakkur har kurər mpika mda. Mda ata mzhi pi akwa jaɓ tuwa, amma kucali ata si ɗəɗəpa.

⁶Sakatə su akwa mwa ali lapiya, antə I pəla akwa ɗəffi, “Su aɗi na ata mula ali wa.”

⁷Ga ku hara ali ɓɗakkur, MTHLAKU, ka namtə ra ka duna apa gar na ola. Amma aghəla nda ga ku ɗuwardzi ali, antə I ku thlivəra.

⁸I ku hara adduwa ala ga, MTHLAKU, ka kiɗə dlara akəla ga, ka pəla,

⁹“Man tə ga ata wutari akwa mtərna ri? Ma I ku ləkwa kula man tə ga ata wutari akwa ri? Mji mtəmta ata mzhi hu ngə ya? Da ata mzhi pəla su ata kəra jirkurər ngə ya?

¹⁰Psi thləm ali, MTHLAKU, ka ra kətadzə ra! Dlar ra, MTHLAKU!”

¹¹Ga ku shinantə tuwarna ka tsa ndzi ɓathlər kucali. Ga ku fəi zhaɓər tuwa na ata dzi ka mbwata ali zhaɓər kucali.

¹²Apani I aɗi ata dləɓ səri wa, I ata hara ha ar hu nga. MTHLAKU, ga an Hyelərna, I ata usar nga har ba saka madi.