Read bura-pabir Zabura 36 Bible Online

Zabura 36 - bura-pabir bible

Zabura 36

¹Ha ar Dauda na mdər kəthlər aka MTHLAKU. Mwaɓər hara biku andər vu ka mji psi thləm aka sauriyeri na ɗimi akwa ɗəffa ɗa. Shang tsuwa thlivər Hyel aɗi akwa ɗəffa ɗa wa.

²Kamnyar da ana namtə kərɗa apa da su laga, har ka dzama abbər Hyel amzhi ngkəi ɗa ka biku wa, zhar ka ɗi ɗa wa.

³Su na akwa mnya ɗa an ɗimikur ka thlandəra, da aɗi ɗəɗu tə da amzhi jaktə hara su na kalkal kəra wa.

⁴Da ana ɗəmhə ɗimikur aviri akwa vəi pəpəyir ɗa, su aɗi na ɓɗaku tə da ana hara wa, saka aɗi tə da ata nggəlar su na ɗimi wa.

⁵MTHLAKU, hirkurər nga na ana palidzi wa ni ku mwari ba amtazi, tə wala dlambayeri ana mbərsa ka ga.

⁶Su tə gə ɗəmha ana ndzi gyang apa gar na nal, da ana ndatə mdə ka duna apa kira manda na zurang. Ga andər tsəlpi mji kəga mwaɓi shang ata kəma duku, MTHLAKU.

⁷Su aɗi na ɓɗaku tə mda agira ka hirkurər nga na ana palidzi wa ni wa! Shanga yeru ana ɗuwardzi akwa shanggur ɓəɓəka ga.

⁸Ga andər hamta ala yeru susəm na msəra ka yeru səm kəga mətəpiyayeri ar yeru, ka na ala yeru sur sa na msəra hang apa yimər thlyagha na akwa hwi.

⁹Kamnyar ga an hamta mpika aka shanga su, parakər nga an akwa hamta ala yeru parakəu.

¹⁰Ləkəma ka hir mji na asəndə nga, ka gə hara ɓɗakkur aka mji na ka ɗəffa ɗa mwapu!

¹¹Ga aɗiya zhari ka səla mjir gaya dlyaɓi ra wa wala zhar ka tsiya mji na ɗimi kədləmta ra wa.

¹²Wul mji na kəmanggar nda ja! Da ku ndla har tə da amzhi thlatə kəra wa!