Read bura-pabir Zabura 47 Bible Online

Zabura 47 - bura-pabir bible

Zabura 47

¹Aka mdər pwa ha. Ha ar maɗashilər nyarmbwar Kora aka mdər pwar ha. Ɓu gir tsi, shanga giri na akwa duniya! Hara gir har kucali ka kuraku na ola aka Hyel!

²Kamnyar MTHLAKU na ka Səli ta Shang an sur thlivəra, tsa an kuthli na ola akwa shanga duniya.

³Tsa ku nggyari ala mburu mji zumzum, ka hangkir ɗa akira mburu.

⁴Tsa ku carɓəla ala mburu tsəɗi tə ka mburu ndzi akwa, tsəɗi na ku ndzi afər gaya aka mjirni, nyarmbwar Yakub natə tsa hira.

⁵Hyel ku ləmta akwa vəi ndzəndziyirni ka kuraku na ola. Mji ku kucali ka kuraku ka mbur təmbəlayeri, sakatə MTHLAKU akwa ləmta ni.

⁶Hara gir har huwa aka Hyel, ka giri fwal ni, hara gir har huwa aka Kuthlir mburu, ka giri fwal ni!

⁷Kamnyar Hyel an kuthlir shanga duniya, antə ka giri fwal ni ka hayeri!

⁸Hyel ana ndzəndzi ata kəra dəkəl kuthlikurərni ka hara kuthlikur ata kəra shanga tsəɗiyayeri.

⁹Mji na ol'ola ata kəra duniya ana tsaptədzi ata kəma duku, apa da mjir Hyelər Ibrahim. Kamnyar shanga kuthlikur na akwa duniya an akira Hyel, antə shanga mji akwa haptə səliyirni bamama.