Read bura-pabir Zabura 48 Bible Online

Zabura 48 - bura-pabir bible

Zabura 48

¹Ha ar maɗashilər Kora MTHLAKU an ola, antə olkurərni ku mzhi ka mdə hu ni akwa bərniyir Hyelər mburu, na ata garərni na ɓɗakkarkara!

²Bərni ni ɓɗak ka duna, nal ata gar anda, shanga mjir duniya ana kucali abbər ka da wuta! Jiri, Gar Sihiyona an gar na ɓɗakkarkara tsa an bərniyir kuthli na ola.

³Hyel an akwa kəyayeri ar ɗuwardzi na ka duna ni, kamnyar ka tsa wuta abbər tsa ka kərari surni ku mbuli bərni ni.

⁴Kamnyar kuthlyayeri ana paktə sojayeri arɗa ata kəma duku abbər ka da sə dlər Sihiyona.

⁵Amma təkəma tə da wutə ni, təng da ndatədzi, ka thlivər ka hwi təra.

⁶Thlivər ku ngkəi ɗa ka duna har tə da ləkwa kədza, ka tuwa apa mwala na akwa kutərya.

⁷Ga ku shamta ɗa apatə shambar na mwavər na ana thlata abwar raghəi ku pupukthləmta sharayeri ar yimər mjir Tarshish.

⁸Tsu apatə yeru ku nggata antə yeru ku wutə ka nca yeru, su tə MTHLAKU na ka Duna ta Shang hara akwa bərniyir Hyelər mburu, antə bərni ngəni tə Hyel vəi ni, tsa ata tsəlpi ni ba saka madi.

⁹Hyelər yeru, kəlara sakatə yeru akwa mbwar vəngkər Səli ala ga, yeru ana dzama ata kəra hirkurər nga na ana palidzi wa ni ni.

¹⁰Apatə shanga mji akwa hu nga, antə thləma ga akwa tuwa akwa kəlara bwa akwa duniya, kamnyar ka dunar nga antə ga ana nggyari su.

¹¹Ndzi ka mji na ata Gar Sihiyona hara kucali! Ndzi ka mjir Yahuda hara kucali, kamnyar ga ana shariya ka jirkur!

¹²Giri na mjir Hyel, ka giri dlarhə kuta Sihiyona, ka giri jikatə mbwayeri na nal nal:

¹³Wul giri katanggayeri na ɓəɓal ɓəɓal ka mbwayeri na ka duna, kamnyar ka giri jikata aka mjir zamanayeri na akəmazi abbər,

¹⁴“Ngəni an Hyelər mburu na har ba saka madi, tsa ata tsəlpi mburu har kurər mpika mburu.”