Read bura-pabir Zabura 49 Bible Online

Zabura 49 - bura-pabir bible

Zabura 49

¹Aka mdər pwar ha. Ha ar maɗashilər nyarmbwar Kora. Ka shanga giri psi thləm ali! Kəlar giri thləma giri, shanga giri na akwa duniya,

²mjir kuthlikur ka mji na talaka mjir gəna purəm kəga mjir tursu!

³I ata ngkər ndərayeri na ata namtə giri ka giri ndzi ɗəɗu tsuwa su tə I ata pəlari ni ata dlar giri akwa nggaɓəla su.

⁴I ata vədzə hangkal aka karapwayeri, kəi ngkərɓəla karapur ɗa akwa ha tə I ata harari ata mnya yakandi.

⁵Kamnyar mə tə I ata thlivər akwa sakar asarayeri, sakatə kəmanggarkurər dawayeri arna ku kalaktə ra ri?

⁶Da ana mbərsa ka gənar ɗa ka gaya ata kəra hangkur sur ɗa.

⁷Mda aɗi na ata mzhi pəli kərni akwa mtə wa, kamnyar hangkur kwaba amzhi mastə mpika akəla Hyel wa,

⁸kamnyar masər mpika an mwavər kamta. Shanga su tə tsa kəgari aɗi ata mzhi

⁹vu ni ka tsa ndzi ka mpika ba saka madi, wala ngkata alari mtə wa.

¹⁰Kamnyar mji ana wuta wala mji na ɗəɗu ana mta, mji na caku ka mji na kəgaɓu shang ata mta, ka zhar gənar ɗa aka mji damwa.

¹¹Kulər ɗa an kəyir ɗa ba saka madi, anda antə da ata ndzəndzi məva ra məva, wala ma da an ku ɗar kəga bəbalayeri laga ka thləma ɗa surɗa.

¹²Mda aɗi natə olkurərni ata mzhi ngkata alari mtə wa, tsa ata mtə tsu apatə mwaɓi ana mta.

¹³Ngəni an su na ana wutə kəgaɓwayeri, ka mji na ana nu su tə kəgaɓwayeri ni pəla.

¹⁴Da ndzi apa təma, təng mda akwa ndəkərwa ɗa akwa kula, akwa vəi tə mta an ata ɓəla ɗa. Ɗəɗəpa mjir Hyel ata hara kuthlikur ata kəra ɗa, sakatə dza ɗa akwa hiɗa akwa kula, ciju kazhar kəyir ɗa na ɓɗaku apa kəi kuthlikur.

¹⁵Amma Hyel ata sə mbuli ra, tsa ata dlutsə ra akwa tsiya mta.

¹⁶Ɗəffa ga aɗiya ɓzə kamnyar mdə laga na hara gəna wa, sakatə suayeri na akwa kutakəyirni akwa jakjakə wa.

¹⁷Kamnyar ma tsa ku mti, tsa aɗi ata mzhi təra kəgari wa, gənar ni aɗi ata nu ni akwa kul wa.

¹⁸Wala tə sakatə tsa ka mpika tsa ana wuta apa ku hara alari, har tə mji ana hu ni abbər su akwa dlu tsiyari,

¹⁹tsa ata ra wutə kəkayeri arni na mtə waci waci, vəi tə tsa aɗi ata jaktə wutə parakəu kəra wa.

²⁰Mda aɗi natə olkurərni ata mzhi ngkata alari mtə wa, tsa ata mta tsu apa mwaɓi.