Read bura-pabir Zabura 52 Bible Online

Zabura 52 - bura-pabir bible

Zabura 52

¹Aka mdər pwar ha: Ha ar Dauda natə ka mdə dzama ata kər, sakatə Doweg na mdər Edom si ka pəla aka Shawulu abbər Ahimelek na prist ku ɗuwar Dauda avəyarngkiɗa. Gə pəla gə mwavər ka duna nggwari? Kaha, kamnyar mə tə ga akwa gayar ɗimikur, amma ga an ata jaktə pəla abbər Hyel ata kətadzə nga har ka pci təri nə ri?

²Ga ana ɗəmhə ɗimikur ata kəra mji, kyanggyara ga ana səma apa reza. Parang ga akwa thlandər.

³Gə hir ɗimikur təramta ɓɗakkur, ka hir thlandər təramta jirkur.

⁴Gə hir gari na ata dəkəi mda, mdər thlandər ragai!

⁵Kamnyar ngəni Hyel ata hilantə nga ba saka madi, tsa ata tamtə nga ka ndəkəmta nga kazhar kəyir nga, tsa ata kəɓəla nga akwa nca mji na ka mpika.

⁶Ma mji na pwa ku wutə su ngəni da ata thlivəra, antə da ata kumshi nga ka pəla,

⁷“Wul giri su na wutə mdər duna ngəni! Tsa nggəlar ɗuwardzi abwahila Hyel. Ata vəyari tsa mbərsa ka hangkur gənarni, ka mula akwa hara ɗimikur.”

⁸Amma arna I ku ndzi apa nfur zaitun na akwa kəla akwa kəyir Hyel. I ana mbərsa ka hirkurərni na ana palidzi wa har ba saka madi.

⁹I ata ləkəma ka usar nga, Hyel, ba saka madi kamnyar su tə gə hara. I ata titil labar nga akəma mjir nga, abbər ga ana hara ɓɗakkur ka duna.