Read bura-pabir Zabura 57 Bible Online

Zabura 57 - bura-pabir bible

Zabura 57

¹Aka mdər pwar ha. Ha ar Dauda aghəla tə tsa hwi ta Shawulu akwa ku laga. Ka mdə hara ha ngəni ka kurakər “Ga Aɗiya Ɓzamtə Wa!” Kətadzə ra bu, Hyel ragai, kətadzə ra usa, kamnyar I sə ɗuwardzi adzə nga. I ata ɗuwardzi akwa shanggur ɓəɓəka ga, har ka shambar na mwavər ni təramta.

²I hara adduwa aka Hyel na ka Səli ta Shang, aka Hyel na ana nghyaɓəla shanga su tə tsa ɗəmhə kamnyar na.

³Tsa na akwar amtazi ata thlenta ali dlara ka mbantə ra, tsa ata mpəmpatə mjir hara bwani ali ni. Tsa ata ncanta ali hirkurərni na ana palidzi wa, ka laku tə tsa ka jirkur akwa.

⁴Dawayeri ku kalaktə ra, da ndzi apa tsəngiyayeri na ka məyir ɓɗə mda. Thlira ɗa ana səma ka duna apa mwasu ka afa, kyanggyara ɗa ndzi apa katsakar na tsəltsəlari.

⁵Ncantə olkurər nga amtazi, Hyel ragai, ka səliyir ngə wutədzi akwa shanga duniya.

⁶Dawayeri arna ku nggəi ali dərku ka da ngkəi ra, su aɗi tə I amzhi harari wa. Da ku lamta ku akwa lakurna kəi tərkwa, amma da ka kəra ɗa an tərkwa.

⁷I ku mbərsa ka ga, Hyel, jiri I ku mbərsa ka ga! I ata hara ha kəi fwal nga!

⁸I ata ɗəmhədzi kəi hara ha! Ɗəmhə girdzi guləm ka yakandi kamnyar ha! I ata pi akwa ha ni har ka vir kura!

⁹I ata usar ngə, MTHLAKU, ka shanga mji sənda, I ata fwal nga ka shanga tsəɗiyayeri nggatə su ata kər.

¹⁰Hirkurər nga na ana palidzi wa ni an ol ka duna apa baukur kutahyel, Jirkur nga ku mzhitə dlambar kutahyel.

¹¹Ka mdə haptə səliyir nga akwa vəi na amta ta shang, Hyel ragai, ka səliyir nga wutədzi akwa shanga duniya.