Read bura-pabir Zabura 58 Bible Online

Zabura 58 - bura-pabir bible

Zabura 58

¹Aka mdər pwar ha. Ha ar Dauda na zum tə ka mdə hara ni ka kurakər “Ga Aɗiya Ɓzamtə Wa!” Giri na ka kuthlikur, giri ana ɗəmhə su na kalkal ya? Giri ana thlamta shariyar jirkur aka mji ya?

²Awa! Giri ana dzama ata kəra ɗimikur tə giri ata mzhi harari, ka suayeri na ɗimi ɗimi na ka mpa akwa duniya.

³Mji na kəmanggar baɗitə zhar hara su na kalkal təng akwa kuta, təng vir tə mdə yaɓəla ɗa antə da baɗitə thlandər ka hara su tə ɗəffa ɗa hira.

⁴Da ka gwar apa pwapu, da ana dzəɓtə thləma ɗa apa kwakula na ana hartə thləmari,

⁵ta tsa anggatə kuraka mdər gyal ka pwapu, wala ha ar mdər hara kuzəku.

⁶Ɓəgəlɓəla thlira ɗa ni bu, ka gə fwaɓəla thlira ɗa na apa thlira tsəngi ni, MTHLAKU!

⁷Hara ka da sha tatipu apa yimi na ana shiwa ata di ul'ula, wala ma da ku dinggatə su ka afər ɗa, ka afə ni ndzi adəkəl.

⁸Hara ka da ndzi apa muthlyatu na ana ula ka ndzi nggwatana, ka da ndzi apa ɓzər mirakəu na səghəi mshi na aɗi ɗar wutə parakə wa.

⁹Akwabə tughum atəla ata u'ur cinjing Hyel ata famta ɗa ol ka ntsaha, Hyel ata shamta ɗa sakatə da tsu lapiya akwa nggari ka dza ɗa.

¹⁰Mji na pwa ata hara kucali ma da wutə mda akwa ɗi mjir biku, da ata kəcimta səla ɗa akwa mamshir mji na ɗimi.

¹¹Mji ata pəla, “Mji na pwa ana dlu watsəɓa na ɓɗaku, jiri, Hyel na ana hara shariya ka jirkur aɗi akwa duniya.”