Read bura-pabir Zabura 61 Bible Online

Zabura 61 - bura-pabir bible

Zabura 61

¹Ha ar Dauda aka mdər pwar ha natə ka mdə hangkir surtsayeri na ka səwa. Psi thləma ga aka tuwarna bu, Hyel, kara nggatə adduwarna!

²Sakatə I ciju kazhar kəi, I ata tuwa ala gə kamnyar dlara, sakatə dzi ku mti. Mwantə ra ata gar na nal catu,

³kamnyar ga an vəi ɗuwardzərna, vəi ɗuwardzi na ka duna tə dawayeri arna awutə ra wa.

⁴Zhar ra kəi ndzi akwa mbwar vəngkər səli ala gə ba saka madi, kəi ɗuwardzi ɓɗaku akira ɓəɓəka ga.

⁵Kamnyar ga ku nggata alkawal arna, Hyel, ka hamta ali bwar nəɓwar mji na ana thlivər nga.

⁶Jakə far kuthli ka tsa fəi ka wutə shanga zamanayeri!

⁷Ka gə ɓəlatə ni, Hyel, ka tsa fəi akwa kuthlikur, ka hirkurər nga ka jirkurər nga wulwul kərari.

⁸Apani I ata hu nga akwa ha tədək viri, sakatə I ata hamta ala gə saɗaka tədəku apatə I ku kətə alkawalari.