Read bura-pabir Zabura 63 Bible Online

Zabura 63 - bura-pabir bible

Zabura 63

¹Ha ar Dauda sakatə tsa akwa Mtakər Yahuda. Hyel, ga an Hyelərna, jiri, I akwa bara nga ka duna. Ɗəffi ka thləliyir wutə nga, dzi shang akwa bara wutə nga apa mdə na akwa mtakər hamada na kula yimi, antə I akwa mwaɓər wutə nga.

²Apani antə I akwa bara wutə nga akwa vəi ndzəndziyir nga, kəi wul kuthlikurər nga ka səliyir nga.

³Hirkurər nga na ana palidzi wa ku təramta ali mpika, antə I ata hu nga.

⁴I ata usar nga akwa shanga ndzəndziyirna, I ata haptə tsi ala gə sakatə I akwa hara adduwa.

⁵Ɗəffi ata ndzi msəra ali apa mdə na ndlə ka susəma na msəra ta shang, antə I ata fwal nga ka hayeri ar kucali.

⁶Kəlara sakatə I apəpəi ata vəi pəpəyirna, I ana ɗangtə nga, kəi pi akwa dzama ata kəra ga,

⁷kamnyar ga andər dlar ra. Antə akwa shanggur ɓəɓəka ga I ata hara hayeri na msəra msəra.

⁸Hangkali ku nutə nga, antə ga ana tidi ra ka kəsi ra ka tsi mazəma ga.

⁹Mji na akwa bara tsi ra, ata ləghəi akwa duniyar mji mtəmta.

¹⁰Mda ata kurəmta ɗa ka katsakar, ka kilamtakayeri ɓɗəmnya ɗa.

¹¹Amma kuthli ata hara kucali kamnyar su tə Hyel hara. Shanga mji na ana nghyaɓəla alkawal tə da kəta ata hara kucali, amma mda ata hartə mnya mjir thlandəra.