Read bura-pabir Zabura 64 Bible Online

Zabura 64 - bura-pabir bible

Zabura 64

¹Ha ar Dauda aka mdər pwar ha. Psi thləm ali bu, Hyel, kara nggatə tuwarna, kara tsəlpi ra ta dawayeri na ata nthlə hyala mdə ni!

²Ɗuwar ra ta ɗimikur tə kəmanggarayeri ɗəmhə ni, ta maɗashambar na tsaptədzi akwa si ka kurakə ni.

³Da na ana tsələmta kyanggyara ɗa apa mnya katsakar, ka shəshə ndərayeri na ɗimi apa afayeri.

⁴Da ana ɗuwardzi ka da shə mji na kula biku, da ana shə mdə kakər kula thlivəra.

⁵Da ana dunautə nvwa ɗa akwa hara ɗimikur, ka gari vəi tə da ata ra pwi dərkur ɗa ata, abbər, “Mda aɗi na ata wutə mburu wa.”

⁶Da ana ɗəmhə ɗimikur ka pəla, “Mburu ku ɗəmhə ɗimikur ni kalkal!” Jiri, mda amzhi nggaɓəla su na akwa ɗəffa mda ka dzamər mdə wa.

⁷Amma Hyel ata shə ɗa ka afərni, antə təkəma afə ni ata dəkəi ɗa.

⁸Gari tə da pəla ata ngka ata kəra ɗa ka shamta ɗa, antə shanga mji na ku wutə su ngəni ata kənggələmta kəra ɗa.

⁹Antə shanga mji ata thlivəra, ka ngkər surndatayeri tə Hyel hara, ka dzama ata kəra su tə tsa hara ni.

¹⁰Shanga mji na pwa ata hara kucali ata kəra su tə MTHLAKU hara, ka ɗuwardzi adzə ni. Antə shanga mjir jirkur ata sə hu ni.