Read bura-pabir Zabura 75 Bible Online

Zabura 75 - bura-pabir bible

Zabura 75

¹Ha ar Dauda aka mdər pwar ha, natə ka mdə hara ka kurakər “Ga Aɗiya Ɓzamtə Wa.” Yeru akwa usar nga, Hyel ragai! Yeru akwa usar nga kamnyar ga ata vəi duku ka yeru. Mji akwa jika surndatayeri tə gə hara.

²Hyel akwa pəla, “I ku thlamta sakatə I ata sə hara shariya, antə I ata hara shariya ni akwa kutar jirkur.

³Wala ma duniya ka shanga mji na akwa ata kənggərantədzi, I an ata kəsi səlayerari ka da ndzi gyang.

⁴I akwa pəla aka mjir gaya abbər, ‘Zhar giri gaya ni!’ Tsuwa I akwa pəla aka mji na kəmanggar abbər, ‘Giri aɗiya haptə tsiya giri wa!’

⁵Giri aɗiya haptə tsiya giri abbər giri ata nca kuleng aka vəi na amtazi wa, wala gari ka ɗuk hila giri wa.”

⁶Kamnyar olkur aɗi ana thlata akwa raghəi wala akwa ramtə wa, wala akwa mtakə tsu wa.

⁷Amma Hyel andər thlamta su na aɗi, tsa andər tərghəi mda ka haptə mda.

⁸Kamnyar MTHLAKU ku kəsi kwapu akwa tsiyari kwapə na nghyinghyari ka yimər anap ar ɗəffə bwarbwar, yimər anap na gwargwarari, na akwa mbu zukzuku. Tsa ata puɓəla yimər anap ngəni, aka shanga mjir biku na akwa duniya, antə dwali ka da samnya cipu.

⁹Amma arna, I ata ləkəma ka ngkər su tə Hyel hara ba saka madi, I ata hara har huwa aka Hyelər Yakub.

¹⁰Tsa ata tsi duna mjir hara ɗimikur amma tsa ata jakə duna aka shanga mjir hara ɓɗakkur.