Read bura-pabir Zabura 76 Bible Online

Zabura 76 - bura-pabir bible

Zabura 76

¹Ha ar Asaf aka mdər pwar ha, natə ka mdə hangkir su tsatsa na ka səwa. Shanga mji na akwa tsəɗi Yahuda asəndə su ata kəra Hyel pai, mji ana nar olkur aka thləmari akwa Israila.

²Tsa ka kəyirni ahar Urushalima, vəi ndzəndziyirni an ata Gar Sihiyona.

³Anda antə tsa ɓəgələmta afayeri na ka u'u, ka ɓəgələmta partauwayeri, ka katsakarayeri, ka shanga kari mpa arɗa.

⁴Kaai! Ga akwa mbəlmbəla ka duna! Sakatə ga akwa səghəi ata kəra gar natə gə nggyari dawayeri ar ngə ata ni, kəmar olkur səliyir nga aɗi wa!

⁵Mdə ku dlutsə kari sojayeri na katsala, antə kulini henər mta ku fatə ɗa, mda aɗi akwa nca ɗa na amzhi haptə tsiyari wala raka wa.

⁶Mpa tə gə hara ala ɗa ni, Hyelər Yakub, ku vu tə takwayeri kəga mjir fəl ɗa ku ndla ka mtəgəmtadzi.

⁷Amma jiri diya, Hyel, gə sur thlivəra! Wan ata mzhi thləthlata akəma ga, sakatə ɗəffa ga ku ɓzi ri?

⁸Tsu amtazi antə gə thlamta shariya. Antə shanga mjir duniya ku thlivər ka dləɓ səri,

⁹sakatə gə thlatə ka thlamta shariya, kamnyar msərantə shanga mjir bwani na akwa duniya ni.

¹⁰Jiri, ɓzər ɗəffa mda ana səntə huwa ala ga, kamnyar ga ata sə kəthlər kəgari apa sur thlamta shariya.

¹¹Nghyantə giri alkawal tə giri kəta aka MTHLAKU na Hyelər giri, ka shanga giri na ntəwul tsəɗiyayeri sənta alari cauta, tsa natə shanga mji ana thlivər ni.

¹²Tsa ana tsi duna mjir kuthlikur, ka ndzi sur thlivəra aka shanga kuthlyayeri na akwa duniya.