Read bura-pabir Zabura 8 Bible Online

Zabura 8 - bura-pabir bible

Zabura 8

¹Ha ar Dauda aka mdər pwar ha, ka mdə hangkir guləm ar mjir Gath. MTHLAKU, Ga an Mthlakər yeru, Shanga mji akwa duniya akwa haptə səliyir nga! Mda akwa fwal ngə ba amtazi, akwa vəi na amta vəyayeri na amtazi.

²Akwa mnya maɗangkyar ka maɗangkyar na ata uwa, antə ga ku ɗəmha aka kər nga abbər ka huwa ka fwala səɓəla, ka namtə huwa ni dunar nggyari dawar nga, ka kurəmta dawayeri ar nga kəgari, ka shanga mjir bara ntə dawa ata kəra ga.

³Kəlara sakatə I ku wul vəi na amtazi tə gə namta, ka wul thliya ka sasəlkayeri natə gə pwi ɗa akwa vəi ndzəndziyir ɗa,

⁴təng I ana yu kərna abbər, “Mdə mə laga ri har tə ga ana damitədzi ata kərari ri ni, ɓzər mdə ndzang tə ga ana wulwul ni ni?”

⁵Wala apani ga ku namtə ni ka tsa an nu nga atar olkur, ka hamta alari səli ka olkur.

⁶Ga ku vəngkər ni ata kəra shanga su tə ga ku namta, ka vu ka tsa hara kuthlikur ata kəra ɗa shang:

⁷ata kəra təma ka thla, purəm kəga mwaɓi mtakəu,

⁸ata kəra ɗikayeri na ahar hyel, ka kəlfayeri na akwa yimi, ka shanga su na ana mwa akwa manda.

⁹MTHLAKU, Ga an Mthlakər yeru, shanga duniya akwa na gə olkur!