Read bura-pabir Zabura 84 Bible Online

Zabura 84 - bura-pabir bible

Zabura 84

¹Ha ar maɗashilər Kora aka mdər pwar ha, natə ka mdə hangkir guləm ar mjir Gath. Kəyir ngə ni ɓɗak ka duna, MTHLAKU na ka Duna ta Shang!

²I hir kəi ndzi anda! Jiri, I hir kəi ndzi akwa mbwar MTHLAKU. Ɗəffi ka dzi shang ata hara har kucali, aka Hyel na ka mpika.

³Wala addər kərmbwa ana namtə mbwar ɗa anda, shambarkəɗayeri tsuwa ana latə mbwar ɗa, kamnyar ka da ɗuwar maɗa' ɗa kudzəhə ka bagaɗiyir nga, MTHLAKU na ka Duna ta Shang, kuthlirna ka Hyelərna.

⁴Msəra aka mji na ana ndzi akwa mbwar nga, parang saka da akwa hara har hu nga.

⁵Msəra aka mji na ana wutə dunar ɗa akəla ga, mji na ka mwaɓər ra wuli Gar Sihiyona akwa ɗəffa ɗa.

⁶Sakatə da akwa təramta akwa mular na ul'ulari antə da namtə vəi ni tə tsa ndzi kucirkila, tsuwa yimərhyel na ntangkəma ku hartə vəi ni ka barka.

⁷Da akwa ləkəma ka wutə duna ata kəra duna, har tə waskəi ku mwari akwa Sihiyona akəma Hyel na təramta haptayeri.

⁸MTHLAKU, Hyel na ka Duna, nggatə adduwarna. Psi thləma ga ali, Hyelər Yakub!

⁹Hyel, wul kuthlir yeru natə tsa an partauwur yeru, kara dlar kuthli natə ga an vəi!

¹⁰Kamnyar vir duku akwa kəyir nga ku təramta vir dəpu ata vəi damwa. Kuji kəi ndzi mdər sək nyarfu akwa kəyir Hyelərna ta I andzi akwa kəyir mji na kəmanggar.

¹¹Kamnyar MTHLAKU an parakər mburu ka mdər ɓəla mburu, tsa ana hara ala mburu ɓɗakkur ka səli. Tsa aɗi ana ngkatə su na ɓɗaku aka mji na ana hara su na kalkal wa.

¹²MTHLAKU na ka Duna ta Shang, msəra aka mji na ana mbərsa ka ga.