Read bura-pabir Zabura 92 Bible Online

Zabura 92 - bura-pabir bible

Zabura 92

¹Ha ar Vir Ghərəmtaghəra Ɓɗaku ka mdə usar ngə, MTHLAKU, ka mdə hara har hu nga, gə na ka Səli ta Shang,

²ka mdə ngkər hirkurər nga na ana palidzi wa ni, ka jirkurər nga aviri tədəku,

³ka su tsatsa na ka suwari kuma ka guləm, ka kurakər yakandi na msəra.

⁴Kamnyar, MTHLAKU, ga ku namtə ɗəffi msəra ali atar suayeri tə gə hara, antə I akwa hara ha kamnyar kucalər kəthlər tsiya ga.

⁵Ga ana hara surndatayeri na ol'ola, MTHLAKU! Ga ana dzama zurang ka duna katagu!

⁶Mdə na kəgaɓu amzhi səndari wa, mdə na caku amzhi nggaɓəlari wa.

⁷Wala tə mji na kəmanggar ana kəla apa kusar, ka mji na ɗimi ləkəma, Hyel ata sə shamta ɗa karkar ba saka madi.

⁸Amma ar ngə, MTHLAKU, ga an ka olkur ba saka madi.

⁹Kamnyar MTHLAKU, dawayeri ar nga ata sə shamtadzi, shanga mjir hara ɗimikur ata sə titiləmtadzi.

¹⁰Amma ga ku namtə ra ɓəɓal apa kufur, ka kəkərtə kəri ka mal na msəra.

¹¹I ku wutə ndlar dawarna ka nci, ka nggatə tuwar mji na ɗimi na akwa fa səli.

¹²Mji na pwa ata sə kəla ka ya apa nfur dipənau, da ata kəla ka ndzi ɓəɓal apa nfur seda ar Lebanon.

¹³Da ndzi apa nfu tə mdə ncimta akwa kutakəyir mbwar MTHLAKU, da ana kəla ka pəbəlidzi akwa bəbalər mbwar Hyel.

¹⁴Wala akwa halhalkurər ɗa, da ana ya, tədək saka da ka thlali cirəkcirəku mənggəl.

¹⁵Da akwa pəla, “MTHLAKU ana hara su kalkal, tsa an pelar ɗuwardzərna, tsuwa tsa aɗi ka ɗimikur wa.”