Read bura-pabir Zabura 94 Bible Online

Zabura 94 - bura-pabir bible

Zabura 94

¹Aiyi MTHLAKU, ga an Hyelər ntə dawa! Ga an Hyelər ntə dawa, antə ncantə kuthlikurər nga!

²Thlata, gə na mdər hara shariya aka duniya, ka gə hamta watsəɓər mjir gaya su na ata ndzi kalkal da!

³Nawa ri MTHLAKU? Nawa antə kəmanggarayeri ata sə zhar ɓwadzi nə ri? Nawa antə kəmanggarayeri ata sə kumshi asar nə ri?

⁴Da ana ngkər ndərayeri na ata thlivərantə mda, ka gari ka ruta, shanga mjir hara ɗimikur ana gayar surharar ɗa.

⁵Da ana dlidlirəmta mjir ngə, MTHLAKU, ka hara bwani aka mjir nga.

⁶Da ana tsəgəi kughungayeri ka mutayeri, ka tsəgəi mətəpiyayeri tsuwa.

⁷Da ana pəla, “MTHLAKU aɗi ana wutə yeru wa, Hyelər Yakub aɗi ana nggaɓəla wa.”

⁸Dzam gir diya, kəgaɓwayeri! Cakwayeri, nawa antə giri ata ndzi ɗəɗu ri?

⁹Hyel na namtə thləm ni, tsa twangtwang ya? Tsa na namtə nca ni, tsa mdlyang ya?

¹⁰Tsa na ana ɗi tsəɗiyayeri, tsa aɗi ata ɗi giri wa ya? Tsa na ana thlipə su aka mji,

¹¹MTHLAKU asəndə dzamər mda, abbər dzamər ɗa an kula ampani.

¹²Msəra aka mji natə ga ana ɗi ɗa, MTHLAKU, mji tə ga ana thlipa ala ɗa tsawur nga.

¹³Ga ana na ala ɗa ghərəmtaghəra akwa sakar bwani, har tar ma mdə ku lamta kula aka kəmanggarayeri.

¹⁴Kamnyar MTHLAKU aɗi ata fwari ata kəra mjirni wa, wala təra kazhar mji na arni wa.

¹⁵Kamnyar mda ata sə jaktə nci shariya ata kəra jirkur, antə shanga mjir hara su kalkal ata sə nggatə msərakurari.

¹⁶Wan ata thləthlata ali kamnyar mbuli ra akəla mji na kəmanggar ri? Wan ata thləthlata ali kamnyar mbuli ra akəla mji na ɗimi ri?

¹⁷Ma kamnyar MTHLAKU an dlar ra wa, sakani I ku mtə təng ɗəm.

¹⁸Sakatə I akwa ngga apa dlyadlirka akwa fa səli, təng gə kəsi ra, MTHLAKU, kamnyar hirkurər nga na ana palidzə wa ni.

¹⁹Kəlara sakatə I akwa damitədzi ata kəra suayeri hang, ga ana shiktə ra ka namtə ɗəffi msəra.

²⁰Su aɗi na ana paktə nga ka alkaliyayeri na dlərpu wa, mji na ana namtə ɗimikur ka tsa ndzi tsawa.

²¹Da ana pangkərdzi ata kəra mji na ka jirkur, ka thlamta shariyar mta aka mdə na kula biku.

²²Amma MTHLAKU an vəi ɗuwardzərna na ka duna, Hyelərna an pelar ɗuwardzərna.

²³Tsa ata ɗi ɗa kamnyar bikər ɗa, ka shamta ɗa kamnyar kəmanggarkurər ɗa, MTHLAKU na Hyelər mburu ata shamta ɗa.