Read bura-pabir Zabura 98 Bible Online

Zabura 98 - bura-pabir bible

Zabura 98

¹Ha Hara gir ha bilən aka MTHLAKU, kamnyar tsa ku hara surndatayeri! Atar kuthlikur ka duna tə tsa kəgari antə tsa ku səmi.

²MTHLAKU ku ncantə nggyari su arni, ka ncantə jirkurərni aka shanga tsəɗiyayeri.

³Tsa ku kəsi alkawal tə tsa hara aka mjir Israila, abbər tsa ata hir ɗa akwa shanga su ka nghyaɓəla alkawal tə tsa kəta. Hyel ku ncanta aka shanga mji laku tə tsa ana mbantə mjirni akwa.

⁴Hara gir ha ka kuraku kamnyar kucali aka MTHLAKU, shanga giri na akwa duniya! Pthli gir har kucali ka kuraku, ka giri fwal ni!

⁵Fwal gir MTHLAKU ka yakandi, hara giri kuraku na msəra ata mnya yakandi ni!

⁶Mbur gir təmbəlayeri kəga təmbəla gam, ka giri hara kucali ka kuraku aka MTHLAKU na kuthlir mburu!

⁷Hara giri kuraku, manda ka shanga su na akwa ga, hara har huwa, duniya ka shanga mji na akwa ga!

⁸Ɓu gir tsiya giri, thlyaghayeri, hara gir har kucali ata kəma duku, giri na garayeri,

⁹akəma MTHLAKU. Kamnyar tsa akwa si ka tsa hara shariya aka mjir duniya. Tsa ata hara shariya na ka jirkur aka duniya, kula nca zumzumkur.