Read bura-pabir Karapwayeri 10 Bible Online

Karapwayeri 10 - bura-pabir bible

Karapwayeri 10

¹Nayeri ni an karapwayeri ar Solaman. Maɗangkyar na ɗəɗu ana namtə ɗəffa baba' ɗa, amma maɗangkyar na kəgaɓu ana ɓzamtə ɗəffa mama' ɗa

²Shanga su tə giri wuta atar ɗimikur aɗi ata dlar giri wala raka wa, amma ndzi ka jirkur ata msərantə giri ta mta.

³MTHLAKU aɗi ata ɗar zhar mji na ɓɗaku ka da mtə ka mi wa, amma tsa ana ngkatə mwaɓər mji na kəmanggar.

⁴Harwakur ana namtə mdə ngguɗi, amma mdər kəthlər ka duna ana ndzi mdər gəna.

⁵Mdə na ana səvəi ka sur fakərni akwa sakari an ɗəɗu, amma mdə na ana heni akwa sakar fəi sur fakəu an sur səli aka mda.

⁶Mda ana hu mdə na ana hara su kalkal, amma kəmanggar ana ɗuwar ɗimikur na akwa ɗəffari.

⁷Mda ana ɗangtə mdə na pwa ba aghəla mtərni, amma mda ana fwari mdə na kəmanggar taktar.

⁸Mji na ɗəɗu ana dlu sauri ka kucali, amma caku na ana jikamnyar ana sənta asar aka kərari.

⁹Mdə na ka jirkur ana ndzi lapiya kula thlivəra, amma mdə na kula jiri mda ata ngkəi ni.

¹⁰Mdə na ana ɓəl nca ar ɗimikur ana pwatə bwari, tsuwa caku na ana jikamnya ana sənta asar aka kərari.

¹¹Gariyir mdə na kalkal ndzi apa vəi səɓəlar yimər mpika, amma mdə na kəmanggar ana ɗuwar ɗimikur na akwa ɗəffari.

¹²Nggəlardzi ana səntə mpa, amma hirkur aɗi ana wul vəi shar mdə wa.

¹³Mda ana wutə ɗəɗukur atar gariyir mda, amma caku ana ɗar zwal.

¹⁴Mdə na ɗəɗu ana bara ɗəɗukur, amma gariyir caku ana pwata alari bwari.

¹⁵Gəna ana ɓəlatə mdər su, ngguɗikur ana hilantə mdə na kula su.

¹⁶Watsəɓər mdə na ana hara su kalkal an ndzəndziyir msərakur, amma mdə na ɗimi ana shamta gənarni akwa ɗimikur.

¹⁷Mdə na ana dlu sauri an akwa lakur mpika, amma mdə na ana nggəlar sauri an ka asar.

¹⁸Kəlara mdə na ana ɗuwar dawakur tsa andər thlandəra. Mdər mnya ata kəra mda an caku.

¹⁹Mnya hang ana səntə biku. Mdə na ɗəɗu ana hartə mnyari.

²⁰Ndərər mdə na pwa ndzi apa adzərfa na carcara, amma dzamər mdə na ɗimi an kula ampani.

²¹Sauriyir mdə na ana hara su kalkal ana dlar mji hang, amma caku ana tsi kərni kamnyar tur sənda.

²²Barkar MTHLAKU ana namtə mda ka tsa ndzi mdər gəna. Aɗi hangkur kəthlər andər səntari wa. Tsuwa MTHLAKU aɗi ata paktə ala gə gəna ka ɗəffə ɓzəɓza wa.

²³Caku ana namtə su na ɗimi apa sur gyali, amma ɗəɗu ana hara surni ka ɗəɗukur.

²⁴Su tə mdə na ɗimi ana thlivərari ana si ata kərari, tsu apatə mwaɓər mdə na kalkal ana si alari.

²⁵Asar ana si apa kəwal ka ɗangguləmta kəmanggar, amma su aɗi na ana tsəkwar mdə na kalkal wa.

²⁶Harwa an asar aka mdə na fatə ɗa akwa kəthlər. Tsa ndzi apa ɗer akwa ncari wala sur fəi thlira mda.

²⁷Thlivər ɗəffa MTHLAKU ana tər fa. Kəmanggar ana mta akəmata sakarni.

²⁸Mwaɓər mdə na pwa ana kura ka kucali, amma ar mdə na ɗimi su aɗi tə tsa ana wutə wa.

²⁹MTHLAKU andər ɓəlatə mdə na ka jirkur, amma tsa ana shamta mdər ɗimikur.

³⁰Su aɗi na ana thlivərantə mdər jirkur wa, amma ar kəmanggar tsa aɗi ata fəi akwa tsəɗi ni wa.

³¹Ndər na ɓɗaku andər səɓəla akwa mnya mdər jirkur, amma mda ana thlamta mnya mdə na ɗimi.

³²Mdə na ɓɗaku ana pəla su na ata dlar mda, amma ar mdə na kəmanggar sai su na titikər an ata səɓəla akwa mnyari.