Read bura-pabir Karapwayeri 5 Bible Online

Karapwayeri 5 - bura-pabir bible

Karapwayeri 5

¹Ɓzərna, shahə hangkala ga aka ɗəɗukurərna, kara psi thləm aka sauri tə I akwa pəla ala ga.

²Antə ga ata səndə lakur hara su ka hangkal, ka səndə su na kalkal tə ka gə pəla.

³Kamnyar diya, yimər kuraka mwala ləka ana njinjə məma, ka kəsəm mnyari ləwutləwutu apa mal jara.

⁴Amma akwa tsikəra ndzəndziyir giri ka tsa, tsa ata ndzi ɗəɗahu apa kuni, ka səma apa katsakar na ka mnyari suɗa.

⁵Ma gə nu ni tsa ata ləghəi ka ga akwa kula, kamnyar lakurni an lakur ləkwa mta.

⁶Tsa aɗi ana damitədzi lakur mpikə wa, lakurni aɗi ana ndzi dwaɗu wa, hir pəramta, tsuwa tsa aɗi ana səndə jili hal tə tsa akwa wa.

⁷Antə kulini, maɗa'na, psi gir thləma giri ali, ka giri hara shanga su tə I pəla ala giri.

⁸Hwi kazhar jili mwala ngəni! Ga aɗiya nu bwar nyarmbwarni wa.

⁹Ma ga ku mwari, darajar nga ata mta, ka gə mtə tsu akwa dakwikurər nga akwa tsiya mji na kula kətadza.

¹⁰ka mji gapani sə səməmnya gənar nga, ka shanga su tə gə tsaptə ka vəi gərgərər nga sə ngka akwa kəyir mdə damwa gapani.

¹¹Aghəla nda ka gə sə tuwa akwa bwani, sakatə shilku ku kwasəmnya dza ga,

¹²tə ga ata sə pəla, “Kamnyar mi tə I nggəlar sauri kwang? Kamnyar mi tə I aɗi nggatə ndərər mdə wa ri?

¹³I aɗi psi thləm aka maləmayeri arna wa, wala vədzə hangkali aka mjir thlipa ali wa.

¹⁴Nggədza kulini I abaka ləkwa bwani na ɗimi, ka ləkwa səli akəma mji.”

¹⁵Nggatə msərakur mwalankiri, tsa shini Ka gə sa yimi akwa jiɓə ngəni shini yimi na lapiyari akwa gəlamər nga.

¹⁶Kalkal ka yimər dza gə pumtadzi akwa kəlara bwa, ka tsa ndzi apa yimər lambata akwa kutadi ya?

¹⁷Zhar ka da ndzi ar nga ka kəra gə bu, ga aɗiya ndzi ata kər ka mji damwa wa.

¹⁸Zhar ka mwalankiri ndzi apa jiɓər barka ala ga, ka gə hara kucali ka mwalar dakwikurər nga.

¹⁹Kamnyar mwalankiri ni dakwi apa kimar ni. dakwi apa mbəkəl mina tə mda bara ka wula! Ndzi ka zəmbəngari ndlantə ngə ka kucali tədəku. ka hirkurərni ndəkərtə hangkala gə tədəku.

²⁰Kamnyar mə ri, ɓzərna, tə ga ata zhar ka mwala na karwa ndəkərtə hangkala ga, har ka gə fəfahə kərathla mwala' mdə nə ri?

²¹Kamnyar MTHLAKU akwa wul shanga su tə mda ana hara ka shanga vəi mwarərni.

²²Ɗimikurər mji na ɗimi ana ngka ata kəra ɗa, Bikər ɗa ana ngka jaktə ngkəi ɗa apa dərku.

²³Da ana mta kamnyar tur ngkahədzi, da ana sha kamnyar cakukurər ɗa.