Read bura-pabir Karapwayeri 9 Bible Online

Karapwayeri 9 - bura-pabir bible

Karapwayeri 9

¹Ɗəɗukur ku latə mbwarni, ɓɗak ka duna ka zhimbwalayeri murfa.

²Tsa ku tsi mwaɓi kamnyar susəmər kucali, ka gwartə yimər anap ka yaji, ka pwi ɗa ka mdə səma.

³Tsa thlentə ngkwarkəmayeri arni ata vəi na haptəhaptari ta shang akwa kutadi ka da psəmnya abbər ka mji si.

⁴Tsa pəla, “Sər giri ka mburu ləvəi, giri na kula sənda!” Ka pəla aka mji na caku,

⁵“Sər giri, ka giri səm susəmərna, ka sangkər yimər anap natə I gwarta.

⁶Zhar giri cakukur ni, ka giri ndzi mji, ka giri nu lakur mji na asəndə su.”

⁷“Ma gə nam mdə na hir gaya, nggəl antə ga ata wutari. Ma gə mnya aka mdə na kəmanggar, tsa ata dəkəi nga.

⁸Apani ga aɗiya nam mdə na hir gaya wa, kamnyar tsa ata nggəlar nga. Amma ma gə nam mdə na ɗəɗu, tsa ata hir nga ka duna.

⁹Ma gə thlipə su aka mdə na ɗəɗu, tsa ata vərvər hara ɗəɗu. Tsuwa ma gə thlipə su aka mdə na ka jirkur, səndərni ata jakjaka.

¹⁰“Thlivər ɗəffa MTHLAKU an tsuratər ɗəɗukur. Mdə na asəndə Hyel na Ɓɗakkarkara an ka nggaɓəla su.

¹¹Ɗəɗukur ata vu ka məvayeri ar nga jaka, ka far ngə fəi akwa duniya.

¹²Mdə na ɗəɗu an ata səm riɓar ɗəɗukurərni ka kərari. Ma ga ku rutə ɗəɗukur, ga ata ɗar bwani.”

¹³Mwala na caku ana hir gaya ka hara kuraku. Tsa an mwala na ɓzəɓzari, kula kər, kula səli.

¹⁴Tsa ana ndzi anyarmbwarni, wala ata vəi na haptəhaptari akwa kutadi,

¹⁵ka kəga mji na akwa təramta, na ka kəthlər akəma ɗa abbər,

¹⁶“Shanga giri na butu, pəra giri ka mburu ləharngkəya.” Aka mji na kula kər tsa ana pəla,

¹⁷“Yimi həlhəla an msərari, tsuwa susəma natə mdə səma akwa ɗuwari an msəra ta shang.”

¹⁸Amma mji laga ana fwari abbər mji na mwari aharngkiɗa ni ku mti. Kamnyar shanga mji na ana psi thləm alari, da ndzi apa da mtəmtari.