Read bura-pabir M. Ngkəra 11 Bible Online

M. Ngkəra 11 - bura-pabir bible

M. Ngkəra 11

¹Ka gə ndzi mdər hamta cauta ka tsiya gə bwang, kamnyar vir laga ga ata sə wutə watsəɓari.

²Ndəkəmta su tə gə kəgari ka bwa murfa wala ncisu, kamnyar ga aɗi səndə saka tə asar ata sə wutə ngə wa.

³Ma dlamba ku nghyi ka yimi tsa ana pughəi yimi ata di. Tsuwa ma nfu ku ndla wala təbwar anəm wala təbwar yala, tsa ata ndzi tsu ata vəi tə tsa ndla akwa.

⁴Kəlara mdə na ku ndzi akwa sək shambar tsa aɗi ata thləka wa. Tsuwa mdə na ku ndzi akwa wul dlamba aɗi fəi sur fakərni wa.

⁵Apatə mda aɗi na asəndə lakur shambar wa, wala səndə laku tə mpika ləkwa dza ɓzəngkyar na akwa kuta mayarni wa, apani mda aɗi na amzhi nggaɓəla kəthlərər Hyel na namtə shanga su wa.

⁶Thləkamta hwulfər nga ɗəɗəpa, ka gə ləkəma ka thləka ba tahaku. Kamnyar ga asəndə na ata hara ɓɗaku wa, wala ngəni wala ndaga, wala japwa ɗa.

⁷Jiri, Su aɗi na msəra apa parakəu wa, ɓɗaku aka nca ka tsa wul parakər pci.

⁸Ma mda ata fəi akwa duniya, to ka tsa ndzi ka kucali tədək viri. Amma ka tsa ɗangta abbər vir kuthlu ata sə ndzi hang. Shanga su na akwa si, ampaniyari aɗi wa.

⁹Ɓzərdakwi, hara kucali akwa sakar dakwikurər nga! Nggatə msəra akwa sakar kustakurər nga. Hara su tə ɗəffa gə ɗəffa gə hira, ka su tə nca gə ku mwaɓta. Amma ka gə ɗangta abbər Hyel ata sə hara ala gə shariya ata kəra shanga suayeri ngəni.

¹⁰Ga aɗiya hir ka su damitə hangkala gə wa, wala zhar ka dza gə ɗar bwani wa. Kamnyar kustakur ka ɓəɓalkur shang kula ampani.