Read bura-pabir Ishaya 12 Bible Online

Ishaya 12 - bura-pabir bible

Ishaya 12

¹Saka ata sə si tə giri ata sə hara ha abbər, “I ata usar nga MTHLAKU! Kamnyar waci ɗəffa ga ku ɓzi adzə ra amma kulini ɗəffa ga ku pwi, antə har ga akwa shiktə ra.

²Jiri, Hyel, ga andər mbantə ra I ata mbərsa ka ga, antə I aɗi ata thlivər wa. MTHLAKU, ga andər ni duna, ga andər mbantə ra.

³Apatə yimər kucirkila ana tsi thləli ka vu mdə hara kucali, apani antə mjir Hyel ata hara kucali sakatə tsa ku mbantə ɗa.”

⁴Vir nda giri ata sə hara ha abbər, “Usar gir MTHLAKU! Ka giri vəngkər səli alari. Pəla giri aka shanga durayeri suayeri tə tsa hara, ka psəmnya olkur səliyirni.

⁵Hara gir har huwa alari, kamnyar surndatayeri tə tsa hara. Psəmnya su nayeri ni aka shanga mji na akwa duniya.

⁶Ka shanga giri na akwa Sihiyona hara ha ar kucali aka MTHLAKU, kamnyar Hyel na ɓɗakkarkara ar Israila, an ola, tsuwa tsa akwa nca giri na mjirni kamnyar ka tsa dlar giri.”