Read bura-pabir Ishaya 26 Bible Online

Ishaya 26 - bura-pabir bible

Ishaya 26

¹Vir nda shanga mjir Yahuda ata sə hara ha ngəni: Ai bərni yeru ni ka duna! Kamnyar Hyel surni an kalaktə yeru ka katangga ar mbantədzi.

²Kəlar giri nyarfayeri ar bərni ni ka giri zhari ka mji na ka jirkur na ana hara su na kalkal ləvəi

³MTHLAKU, ga ana hamta ɗəffu pəpəipəpəi aka shanga mji na ku mbərsa ka ga ka shanga mji na ku hamta jiri ala ga.

⁴Ka giri mbərsa ka MTHLAKU tədəku kamnyar tsan ka dunar ɓəlatə giri ba saka madi.

⁵Kamnyar tsa ku kəlghəi mji na ka hirkər ka ɓdləmta bərniyir ɗa na ka duna ka hadləmta katanggar ɗa apa bərbər.

⁶Mji na akwa ɗar bwani ka mjir tursu waci, kulini akwa ntsar tsəɗi ni ka səla ɗa.

⁷MTHLAKU, ga ana hara su kalkal parang, ka namtə laku ka tsa ndzi patərathlu aka mji na ana hara su kalkal.

⁸Yeru ana nu su tə gə pəla MTHLAKU, ka vəkər ka ga, mwaɓər yeru an ka yeru nar səli ala ga.

⁹Aviri I ana bara nga ka ɗəffi shang, kamnyar kəlara sakatə ga ku hara shariya aka duniya, mji ana thliptə su ka hara su na kalkal.

¹⁰Wala sakatə ga ku kətadzə mji na kəmanggar, da aɗi ana thliptə hara su na kalkal wa. Wala azi akwa tsəɗiyir mji na ɓɗaku da tsu akwa hara su na ɗimi, da aɗi ana kətə səliyir olkur nga MTHLAKU wa.

¹¹Wala gə haptə tsiya ga abbər ga ata ɗi dawayeri ni, da aɗi ana nggatə ndər wa. MTHLAKU ncanta ala ɗa abbər gə hir mjir nga ka duna, nuhum da aləkwa sur səli. Zhar ka u'ur ngə mbamta dawayeri ar nga.

¹²Ga ata na yeru msərakur, MTHLAKU, shanga su tə yeru hara ka wuta, ga an na yeru dunar harari.

¹³MTHLAKU na Hyelər yeru, mji damwa ku hara kuthlikur ata kəra yeru, amma gə duku an MTHLAKU ar yeru.

¹⁴Kulini dawayeri ni ku mti, da aɗi ata jaktə thlatə ka mpikə wa, kamnyar ga ku di ɗa ka shamta ɗa. Mda aɗi na ana ɗangtə ɗa kəra wa.

¹⁵MTHLAKU, ga ku vu ka tsəɗiyir yeru kəla, kulini tsəɗiyir yeru olta na hwatu, antə mji akwa hu thləma ga ka duna.

¹⁶MTHLAKU, ga ku ɗi mjir nga, sakatə da ku ɗar bwani antə da ku bara nga, ka kiɗa abbər ka gə kətadzə ɗa.

¹⁷Yeru ku ndzi apa mwala na abaka ya, na akwa ɓuji ka tuwa kamnyar kutərya, sakatə yeru akəma ga MTHLAKU.

¹⁸Yeru ku ndzi akwa ɗar bwani, ka mshəmshə səla yeru, amma su aɗi tə yeru wutə wa. Yeru aɗi mzhi mbuli tsəɗiyir yeru wa, yeru aɗi ka kəkayeri na ata ndzi ata vəya yeru akwa duniya wa.

¹⁹Mjir yeru na mtə waci ata jaktə ndzi ka mpika! Dza ɗa ata thlatə ka ndzi ka mpika ka damwa. Shanga mshi na akwa heni akwa kulayeri, ata thlatə ka hara ha kamnyar kucali. Apatə kəlangkə ana namtə di mirakəu, antə MTHLAKU ata jaktə nar mpika bilən aka mji na ku mti.

²⁰Ləvəi giri akwa kəyir giri, mjirna, ka giri harəngkər nyarmbwa aka kəra giri. Ka giri ɗuwardzi katagu, tar ma ɗəffa Hyel ku pwi.

²¹Kamnyar Hyel ku thlata akwa vəi ndzəndziyirni akwa si kamnyar ɗi mji na ku hara biku akwa duniya. Shanga tsi mdə natə mdə hara akwa ɗuwari akwa duniya ata səɓəla ata bəbal. Di aɗi ata jaktə ɗuwar mji natə mdə ku tsi kəra wa.