Read bura-pabir Ishaya 4 Bible Online

Ishaya 4 - bura-pabir bible

Ishaya 4

¹Akwa saka na ndaga mwanki murfa ata sə kəɓa ata kəra mdə sal pal, ka pəla, “Yeru ata mzhi paktə susəmər kəra yeru, ka wutə sur pudzər yeru, usa dlar yeru ka gə ndzi salər yeru bu, kamnyar ka yeru ndəka ka səli ar zawarkur.”

²Amma akwa saka na ndaga MTHLAKU ata sə vu ka shanga su ptsəptsa ka nfwayeri na akwa tsəɗi Israila sə kəla ka ya munya ka ndzi ɓɗaku. Antə shanga mjir Israila na ku mbili ata sə gaya ka kucali ka nggatə msərakur yar sur fakər ɗa.

³Antə shanga mji na ku mbili ka mpika akwa Urushalima, mji natə mdə ku rəbutə thləma ɗa, mda ata sə kəga ɗa abbər da an mji na ɓɗakkarkara.

⁴Atar duna na ola tə MTHLAKU kəgari antə tsa ata hara shariya aka mjir Urushalima ka tifəmta ala ɗa shanga ɗimikur tə da hara. Tsa ata kəcimta diɗər mamshi na diɓərantə Urushalima atar dunar mambəl na ana mba apa u'u.

⁵Aghəla nda MTHLAKU ata hamta shanggur ata kəra Gar Sihiyona ka shanga mji na tsaptədzi anda. Tsa ata hamta dlambar ləmbəku təpci ka dlambar ɗer na ka u'ur hamta parakəu aviri. Antə səliyir Hyel ata hartə kəra bərni ni ka ɓəlatə ni.

⁶Tsa ata ndzi apa səvar kuthlikur na ata hamta shanggur təpci ta bwarbwarkur pci, vəi na lapiya ar ɗuwardzi ta shambar na mwavər ka yimərhyel.