Read bura-pabir Ishaya 56 Bible Online

Ishaya 56 - bura-pabir bible

Ishaya 56

¹MTHLAKU akwa pəla aka mjirni abbər, “Hara gir su na kalkal ka na ka jirkur, kamnyar aɗi ata fəi wa I ata mbantə giri.

²I ata vədzə barka aka mji na ata vədzə hangkal aka hara su apani, mji na ata ɓəla Vir Ghərəmtaghəra, kula da ɓəli. I ata vədzə barka aka mji na aɗi ata vu tsiya ɗa akwa hara ɗimikur wa.”

³Dur damwa na ku baɗitə vəngkər səli aka MTHLAKU aɗiya dzama abbər MTHLAKU aɗi ata kədləɓəla ɗa akwa nca mjirni wa. Tsuwa kulaɓu aɗiya dzama abbər kamnyar tə mdə ku tasɓəla ni ni, tsa aɗi ata mzhi ləkwa nca mjir Hyel wa wa.

⁴Kamnyar MTHLAKU akwa pəla aka mji na kulaɓu ni abbər, “Ma giri ku ɓəlatə Vir Ghərəmtaghəra ka hara su na ata kəs kəri, ka kəsi alkawal arna ka jirkur,

⁵I ata vu ka mdə ləkəma ka ɗangtə thləma giri akwa mbwar vəngkər səli ali, ka akwa nca mjirna, thləm na ata fəi ta wala ma giri an ka maɗangkyar shili ka mwanki. Ba saka madi thləma giri aɗi ata sha wa.”

⁶Tsuwa MTHLAKU akwa pəla aka durayeri damwa na ku ndzi mjirni, na hir ni ka hir hara kəthlər alari, mji na ata ɓəlatə Vir Ghərəmtaghəra kula da ɓzamta, ka kəsi alkawalərni ka jirkur.

⁷MTHLAKU akwa pəla ala ɗa, “I ata səntə giri ata garərna na akwa Urushalima, kəi nghyantə giri ka kucali akwa mbwarna. I ata dlu saɗaka mbamba ar giri ka shanga saɗakayeri tə giri hamta ali ata bagaɗiyir hamta saɗaka. “ ‘Mda ata kəga mbwarna abbər mbwar adduwa ar shanga mji.’ ”

⁸MTHLAKU na olta shang na fwaɓəla mjirni Israila akwa mafakur ka səntə ɗa avəi, ku hara alkawal abbər tsa ata ndəkərtə durayeri damwa ka da ndzi mjirni tsuwa.

⁹MTHLAKU ku pəla aka durayeri damwa na mwavər apa mwaɓi mtakəu ka da si ka da kurəmta mjirni.

¹⁰Kamnyar shanga mjir pwara ar Israila natə kalkal ka da an tsaktə mji da ku ndzi mdlyang! Da asəndə su wa. Da ndzi apa harwa kila na amzhi mbuhə wa. Da hir pəpəi ka heni ka suni təpci.

¹¹Da ndzi apa kilayeri na mbulam na ana ndlə wa. Mjir pwar ngəni aɗi ka kər wa. Shanga ɗa ku ngka akwa bara sur kəra ɗa daci.

¹²Da ana pəla aka nvwa ɗa, “Sər giri ka mburu ra sa yimər anap ka wika. Ai su tə mburu ata hara aka yimər anap ɗəpa ata təramta na ashina!”