Read bura-pabir Ishaya 7 Bible Online

Ishaya 7 - bura-pabir bible

Ishaya 7

¹Akwa sakatə Kuthli Ahaz, na ɓzər Yothlam, na kəkar Uzziya akwa hara kuthlikur ata kəra Yahuda antə Kuthli Rezin ar Siriya ka Kuthli Peka na ɓzər Remaliya na kuthlir Israila ku dlər Urushalima. Amma tsa ku muli antə da aɗi mzhi nggyari ni wa.

²Sakatə labar ni mzhitə kuthlir Yahuda abbər sojayeri ar Siriya ku paktə kər ka sojayeri ar Israila antə Kuthli Ahaz ka shanga mjirni ku thlivəra ka yakata, har tə shambar yimi akwa fi ɗa.

³Antə MTHLAKU pəla ali abbər, “Kətə ɓzər ngə Sheyaryashub ka giri ra wutə Kuthli Ahaz. Giri ata wutə kuthli ni ata laku kudzəhə ka mbwar Mjir Kəcir Kwaba, na akwa tsikəra thluhwa na mwantə yimi akwa kufa na amta.

⁴Pəla giri alari ka tsa peri hangkalari. Tsa aɗiya thlivər wa wala damitədzi ka Kuthli Rezin ka Kuthli Peka wa. Kamnyar bwarbwarkurər ɗəffa mji ngəni suɗə ni aɗi ata fəi ta ɗer ar gang suɗə wa.

⁵Jiri, kuthlyayeri ar Siriya ka Israila akwa pəli ɗimikur ata kəra ga.”

⁶Da akwa pəla, “Mburu amwari ra dlər Yahuda, ka thlivərantə ɗa. Mburu ata səm ɗa ka puvidzi akwa kuta Urushalima, ka bartə kəra ɓzər Tabeyel ka tsa ndzi kuthlir Yahuda.”

⁷“Amma MTHLAKU akwa pəla ala giri abbər su aɗi apani na ata hara wa.

⁸Kamnyar mə ri? Kamnyar Damaska an duna Siriya, Kuthli Rezin an duna Damaska. Samariya an duna Israila, antə ɓzər Remaliya an duna Samariya. Amma azi ka məva ngkwakumari ka ntəfu na ata sə si mda ata titiləmta mjir Israila, har tə tsa amzhi ndzi tsəɗi na ka mji kəra wa. Ma ga aɗi mbərsa ka i'i wa, shang ga aɗi mdər mbərsa ka i'i wa.”

¹⁰Antə MTHLAKU jaktə thlentə ndər aka Ahaz abbər,

¹¹“Ahaz, kara yu ra, kəi ncanta ala gə seɗa abbər jiri I ata hadləmta dawayeri ar nga apatə I pəla. Ga ata mzhi yu ra ka su laga hara aghəi akwa duniyar mji mtəmta, wala ka su laga hara akwa vəi na amtazi.”

¹²Amma Kuthli Ahaz shinau abbər, “I aɗi ata yu seɗa wa. I aɗi ata ngkərtə nga MTHLAKU wa.”

¹³Antə Ishaya shinau abbər, “Ka shanga giri na akwa nyarmbwar Kuthli Dauda ni psi thləm ɓɗaku. Giri aɗi ghəra akwa ngga mnyi wa ya, tə kulini har giri akwa bara nggamnya Hyel ni?

¹⁴To, wala apani Hyel surni ata carɓəla seɗa tə tsa ata hamta ala giri. Wula, ɓzərngkwa ni ata kətə hur ka yaɓəla ɓzər sal natə mda ata sə kəga thləmari Immanuwal.

¹⁵Ma sakatə ɓzər ni ku kəla ola, tə tsa ata mzhi sa u'uwa ka məma, sakanda antə tsa ata mzhi carɓəla su na kalkal ka nggəlar su na ɗimi.

¹⁶Amma wala kwabə ɓzər ni akəla ka mzhi ndəkɓəla su na ɓɗaku ka su na ɗimi, tsəɗiyayeri natə ga akwa thlivər kuthlyayeri arɗa na suɗə ni ata ndzi kula mji.

¹⁷MTHLAKU ata səntə virayeri ar bwani na mwavər ata kəra ga, ka ata kəra mjir nga, ka ata kəra shanga nyarmbwar kuthlikurər nga. Tsa ata səntə bwani na təramta shanga jili bwaniyayeri na ku hara təng tə mdə ndəkəmta kuthlikur ar Israila ka Yahuda. Tsa ata səntə kuthlir Assiriya.”

¹⁸Vir nda MTHLAKU ata sə ndəra aka sojayeri ka fifikwi. Antə mjir Masar na Amta ata sə si hang apa ciri, ka mjir Assiriya sə fadzi ka si apa cirməma.

¹⁹Da ata si ka ndzəndzi akwa mularayeri na zurang, akwa kuayeri, ka hartə shanga mtakə na ka mtəhəra, ka shanga vəyayeri tə mda ana ɓəla akwa.

²⁰Vir nda MTHLAKU ata sə hamta kwaba aka mdər shikər, natə tsa an kuthlir Assiriya aɓəla bwanda Thlyagha Yufiretis. Antə tsa ata shimta shanga shishi na ata dza giri, purəm kəga kumiya giri.

²¹Vir nda wala mdə na ka mbəkəl thla pal ka kwi wala təma suɗa daci,

²²da ata sə hamta alari u'uwa hang na ata mzhi ni. Kamnyar kəlara mdə na ku mbila akwa tsəɗi ni tsa ata sə wutə u'uwa ka məma ka tsa səma.

²³Vir nda kəlara fakə tə mda ana wutə yar anap dəpu pal ata, fakəu natə ma mdə ɗələmta tsa ana wutə liyar adzərfa dəpu pal, fakə nda ata sə ndzi ncir thlali ka mtəhəra.

²⁴Mji ata sə ra bara anda ka afa ka lali, kamnyar vəi ni ata sə nghyi ka thlaliyayeri kəga mtəhəra.

²⁵Antə wala garayeri natə mda ana thləka su ata, ka suari hara ɓɗaku, mda aɗi na ata sə mzhi mwari anda wa kamnyar mtəhəra ata hartə ɗa.